പത്താംതരം തുല്യതയിൽ വിജയത്തിളക്കം; പി ആർ ഡി അറിയിപ്പുകൾ
November 10 | 05:56 AM
പത്താംതരം തുല്യതയിൽ വിജയത്തിളക്കം
സംസ്ഥാന സാക്ഷരത മിഷനും പൊതുവിദ്യാഭ്യാസ വകുപ്പും ചേർന്ന് നടത്തിയ പത്താം തരം തുല്യത പരീക്ഷയുടെ 15ാം ബാച്ചിൽ ജില്ലയിൽ 90 ശതമാനം വിജയം. പരീക്ഷ എഴുതിയ 465 പേരിൽ 417 പേരും പാസായി. പാനൂർ ബ്ലോക്ക് പഞ്ചായത്ത് വൈസ് പ്രസിഡണ്ട് ടി ടി റംല പത്താംതരം തുല്യത പരീക്ഷയിൽ മികച്ച വിജയം നേടി. ഇനി ഹയർ സെക്കണ്ടറി തുല്യതയും നിയമബിരുദവും നേടാനാണ് ആഗ്രഹമെന്ന് അവർ പറഞ്ഞു.
തലശ്ശേരി ഗേൾസ് എച്ച് എസ് എസ് (24-24), കൂത്തുപറമ്പ് ഹൈസ്കൂൾ (30-30), കല്യാശ്ശേരി എച്ച് എസ് എസ് (17-17), വാരം സി എച്ച് എം എച്ച് എസ് എസ് (19-19) എന്നീ പഠന കേന്ദ്രങ്ങൾ 100 ശതമാനം വിജയം നേടി. കണ്ണൂർ ജി വി എച്ച് എസ് (30-32), തളിപ്പറമ്പ് മൂത്തേടത്ത് ഹൈസ്കൂൾ (47-32), പേരാവൂർ ( 35-31), ആലക്കോട് (26-15), പള്ളിക്കുന്ന് (24-23), ഇരിട്ടി (35-34), തലശ്ശേരി ബ്രണ്ണൻ (30-28), മട്ടന്നൂർ (23-22), പയ്യന്നൂർ (23-18), പാനൂർ (41-40), മാടായി (23-18), ഇരിക്കൂർ (36-35), എന്നിങ്ങനെയാണ് മറ്റ് പഠന കേന്ദ്രങ്ങളിലെ വിജയിച്ചവരുടെ എണ്ണം.
ചുരുക്കപ്പട്ടിക പ്രസിദ്ധീകരിച്ചു
ജില്ലയിൽ എക്സൈസ് വകുപ്പിൽ സിവിൽ എക്സൈസ് ഓഫീസർ (ട്രെയിനി-പുരുഷൻമാർ-538/2019) തസ്തികയിലേക്ക് ഫെബ്രുവരി 26ന് പി എസ് സി നടത്തിയ ഒ എം ആർ ടെസ്റ്റിന്റെ അടിസ്ഥാനത്തിൽ തയ്യാറാക്കിയ ചുരുക്ക പട്ടിക പി എസ് സി പ്രസിദ്ധീകരിച്ചു.
തീയതി നീട്ടി
ഒന്നാം ക്ലാസ് മുതൽ പി ജി വരെ സർക്കാർ/എയ്ഡഡ് സ്ഥാപനങ്ങളിൽ പഠിക്കുന്ന കുട്ടികളുള്ള ഭിന്നശേഷിക്കാരായ മാതാപിതാക്കൾക്കുള്ള വിദ്യാകിരണം സ്കോളർഷിപ്പ് പദ്ധതിയിലേക്ക് അപേക്ഷിക്കാനുള്ള തീയതി നവംബർ 15 വരെ നീട്ടി. അർഹരായവർക്ക് www.swd.kerala.gov.in വെബ് സൈറ്റിലെ സുനീതി പോർട്ടൽ വഴി (suneethi.sjd.kerala.gov.in) അപേക്ഷിക്കാമെന്ന് ജില്ലാ സാമൂഹ്യനീതി ഓഫീസർ അറിയിച്ചു. ഫോൺ: 0497 2997811, 8281999015.
ഇ-ലേലം
കണ്ണൂർ എക്സൈസ് ഡിവിഷൻ ഓഫീസിൽ വിവിധ അബ്കാരി/ എൻ ഡി പി എസ് കേസുകളിൽ ഉൾപ്പെട്ട 93 വാഹനങ്ങൾ www.mstcecommerce.com മുഖേന നവംബർ 22ന് ഓൺലൈനായി ലേലം ചെയ്യും. ഫോൺ: 0497 2706698.
ക്വട്ടേഷൻ
പട്ടികവർഗ വകുപ്പിന് കീഴിൽ ജില്ലയിലെ ആറളം, മയ്യിൽ, കോളയാട് എന്നീ പ്രീമെട്രിക് ഹോസ്റ്റലുകളിൽ നോൺ ഫ്യൂവൽ മോഡൽ സാനിറ്ററി നാപ്കിൻ ഡിസ്ട്രോയർ മെഷീൻ സ്ഥാപിക്കാൻ വ്യക്തികൾ/സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. നവംബർ 12ന് വൈകീട്ട് നാല് മണി വരെ ക്വട്ടേഷൻ സ്വീകരിക്കും. ഫോൺ: 0497 2700357.
വൈദ്യുതി മുടങ്ങും
ശ്രീകണ്ഠാപുരം ഇലക്ട്രിക്കൽ സെക്ഷിലെ അരിമ്പ്ര നെല്ലിക്കുന്ന്, കമ്മ്യൂണിറ്റി ഹാൾ, പരിപ്പായി, കക്കരക്കുന്ന്, വി മാൾ എന്നിവിടങ്ങളിൽ നവംബർ 10ന് രാവിലെ ഒമ്പത് മണി മുതൽ വൈകീട്ട് അഞ്ച് വരെ വൈദ്യുതി മുടങ്ങും.
മാതമംഗലം ഇലക്ട്രിക്കൽ സെക്ഷനിലെ ഏര്യം, കണ്ണകൈ, ഏര്യം ടവർ എന്നീ ട്രാൻസ്ഫോർമർ പരിധിയിൽ നവംബർ 10 വ്യാഴം രാവിലെ 9.30 മുതൽ ഉച്ചക്ക് 2.30 വരെ ഭാഗികമായി വൈദ്യുതി മുടങ്ങും.
വെള്ളൂർ ഇലക്ട്രിക്കൽ സെക്ഷനിലെ മാത്തിൽ പഞ്ചായത്ത്, വടവന്തൂർ, വായ്ക്കാട്, നിടുവനപ്പാറ, പുതിയ റോഡ് എന്നീ ട്രാൻസ്ഫോർമർ പരിധിയിൽ നവംബർ 10 വ്യാഴം രാവിലെ എട്ട് മുതൽ വൈകീട്ട് അഞ്ച് മണി വൈദ്യുതി മുടങ്ങും.
കാടാച്ചിറ ഇലക്ട്രിക്കൽ സെക്ഷനിലെ വൊഡാഫോൺ കോട്ടൂർ ട്രാൻസ്ഫോർമർ പരിധിയിൽ നവംബർ 10 വ്യാഴം രാവിലെ ഏഴ് മണി മുതൽ ഉച്ചക്ക് 2.30 വരെ ഭാഗികമായി വൈദ്യുതി മുടങ്ങും.
വെറ്ററിനറി സർജൻ നിയമനം
മൃഗസംരക്ഷണ വകുപ്പിന്റെ മൊബൈൽ വെറ്ററിനറി യൂണിറ്റ് പയ്യന്നൂർ ബ്ലോക്കിൽ വെറ്ററിനറി സർജനെ താൽക്കാലികമായി നിയമിക്കുന്നു. യോഗ്യത: ബി വി എസ് സി ആൻഡ് എ എച്ച് ബിരുദം. താൽപര്യമുള്ളവർ അസൽ ബിരുദ സർട്ടിഫിക്കറ്റും കെ വി സി രജിസ്ട്രേഷൻ സർട്ടിഫിക്കറ്റും അവയുടെ പകർപ്പും സഹിതം നവംബർ 15ന് രാവിലെ 12ന് കണ്ണൂർ വെറ്ററിനറി കേന്ദ്രത്തിൽ കൂടിക്കാഴ്ച്ചക്ക് ഹാജരാകണം. ഫോൺ: 0497 2700267.
സ്കോളർഷിപ്പിന് അപേക്ഷിക്കാം
കേരള ഷോപ്സ് ആന്റ് കൊമേഴ്ഷ്യൽ എസ്റ്റാബ്ലിഷ്മെന്റ്സ് തൊഴിലാളി ക്ഷേമനിധി പദ്ധതിയിലെ സജീവ അംഗങ്ങളുടെ മക്കൾക്ക് സ്കോളർഷിപ്പിന് അപേക്ഷിക്കാം. ഈ അധ്യയന വർഷം പ്ലസ് വൺ മുതൽ പി ജി വരെയും പ്രൊഫഷണൽ കോഴ്സുകൾ ഉൾപ്പെടെയുള്ള വിവിധ കോഴ്സുകൾ പഠിക്കുന്നവർക്കുമാണ് അവസരം. കേരളത്തിന് പുറത്ത് പഠിക്കുന്നവർ അംഗീകൃത യൂണിവേഴ്സിറ്റിയിൽ നിന്നുള്ള തത്തുല്യ സർട്ടിഫിക്കറ്റ് ഹാജരാക്കണം. അപേക്ഷ സ്വീകരിക്കുന്ന അവസാന തീയ്യതി നവംബർ 30. അപേക്ഷ ഫോറം www.peedika.kerala.gov.in ൽ ലഭിക്കും. ഫോൺ: 0497-2706806.
ഭൂരഹിതർക്ക് ഭൂമി: അപേക്ഷ ക്ഷണിച്ചു
ജില്ലയിൽ ആറളം പട്ടികവർഗ പുനരധിവാസ മേഖലയിൽ ഒഴിവുള്ള ഭൂമി ഭൂരഹിതർക്ക് വിതരണം ചെയ്യാനായി അർഹരായ പട്ടികവർഗക്കാരിൽ നിന്നും അപേക്ഷ ക്ഷണിച്ചു. അപേക്ഷ ഫോറം ഇരിട്ടി, പേരാവൂർ, കൂത്തുപറമ്പ്, തളിപ്പറമ്പ് ട്രൈബൽ എക്സ്റ്റൻഷൻ ഓഫീസുകൾ, ആറളം സൈറ്റ് മാനേജരുടെ ഓഫീസ് എന്നിവിടങ്ങളിൽ ലഭിക്കും. പൂരിപ്പിച്ച അപേക്ഷ ബന്ധപ്പെട്ട വില്ലേജ് ഓഫീസുകളിൽ നവംബർ 20നകം സമർപ്പിക്കണം. ഈ മേഖലയിലേക്ക് ഭൂമിക്കായി 2019ൽ അപേക്ഷ സമർപ്പിച്ചവർ പുതിയ അപേക്ഷ സമർപ്പിക്കേണ്ടതില്ല. ഫോൺ: 9496070386, 9496070387, 9496070388, 9496070401, 9496070393, 0497 2700357.
ഭരണാനുമതി ലഭിച്ചു
കെ വി സുമേഷ് എം എൽ എയുടെ പ്രത്യേക വികസന നിധിയിൽ നിന്നും ഒമ്പത് ലക്ഷം രൂപ വിനിയോഗിച്ച് ചിറക്കൽ ഗ്രാമപഞ്ചായത്തിലെ പള്ളിക്കുളം ജങ്ഷൻ, പാപ്പിനിശ്ശേരി ഗ്രാമപഞ്ചായത്തിലെ കടവത്ത് വയൽ ജങ്ഷൻ എന്നിവിടങ്ങളിൽ ഹൈമാസ്റ്റ് ലൈറ്റ് സ്ഥാപിക്കാൻ ജില്ലാ കലക്ടർ ഭരണാനുമതി നൽകി. കെ വി സുമേഷ് എം എൽ എയുടെ പ്രത്യേക വികസന നിധിയിൽ നിന്നും രണ്ട് ലക്ഷം രൂപ വിനിയോഗിച്ച് അഴീക്കോട് ഗ്രാമ പഞ്ചായത്തിലെ അക്ലിയത്ത് ശിവക്ഷേത്രത്തിന് മുന്നിൽ മിനിമാസ്റ്റ് ലൈറ്റ് സ്ഥാപിക്കുന്ന പ്രവൃത്തിക്ക് ജില്ലാ കലക്ടർ ഭരണാനുമതി നൽകി.
വിദ്യാഭ്യാസ അവാർഡ് വിതരണം 10ന്
2021-22 അധ്യയന വർഷം എസ് എസ് എൽ സി, പ്ലസ്ടു, ഉന്നത വിദ്യാഭ്യാസ പരീക്ഷകളിൽ മികച്ച വിജയം നേടിയ കേരള കർഷക തൊഴിലാളി ക്ഷേമനിധി അംഗങ്ങളുടെ മക്കൾക്കുള്ള വിദ്യാഭ്യാസ അവാർഡ് വിതരണത്തിന്റെ ജില്ലാതല ഉദ്ഘാടനം നവംബർ 10ന് വൈകീട്ട് 2.30ന് രാമചന്ദ്രൻ കടന്നപ്പളളി എം എൽ എ നിർവഹിക്കും. അവാർഡ് വിതരണം മേയർ അഡ്വ. ടി ഒ മോഹനൻ നിർവഹിക്കും. ജില്ലാ പഞ്ചായത്ത് ഹാളിൽ നടക്കുന്ന പരിപാടിയിൽ കർഷക തൊഴിലാളി ക്ഷേമനിധി ബോർഡ് ചെയർമാൻ എൻ ചന്ദ്രൻ അധ്യക്ഷത വഹിക്കും.
ഓട്ടോറിക്ഷ വിതരണം സംസ്ഥാനതല ഉദ്ഘാടനം 13ന്
സംസ്ഥാന സർക്കാരിന്റെ സംരംഭകത്വ വർഷത്തിന്റെ ഭാഗമായി കേരള ഖാദി ഗ്രാമ വ്യവസായ ബോർഡ് 11 ഓട്ടോറിക്ഷ തൊഴിലാളികൾക്ക് ഓട്ടോറിക്ഷ നൽകുന്നു. സംസ്ഥാനതല ഉദ്ഘാടനം നവംബർ 13ന് രാവിലെ 9.30ന് ബാങ്കിന്റെ ഹെഡ് ഓഫീസ് പരിസരത്ത് ഖാദി ബോർഡ് വൈസ് ചെയർമാൻ പി ജയരാജൻ നിർവഹിക്കും. 'എന്റെ ഗ്രാമം' തൊഴിൽദാന പദ്ധതി പ്രകാരം തലശ്ശേരി ടൗൺ സർവ്വീസ് സഹകരണ ബാങ്കുമായി സഹകരിച്ചാണ് പദ്ധതി നടപ്പാക്കുന്നത്. ബാങ്ക് പ്രസിഡണ്ട് കാരായി ചന്ദ്രശേഖരൻ അധ്യക്ഷത വഹിക്കും.