ജില്ലയിലെ മുഴുവൻ തദ്ദേശ സ്ഥപനങ്ങളുടെയും പദ്ധതിക്ക് അംഗീകാരം;പി ആർ ഡി അറിയിപ്പുകൾ
November 19 | 08:00 AM
ജില്ലയിലെ മുഴുവൻ തദ്ദേശ സ്ഥപനങ്ങളുടെയും പദ്ധതിക്ക് അംഗീകാരം
ജില്ലയിലെ തദ്ദേശ സ്വയംഭരണ സ്ഥാപനങ്ങളുടെ ഈ വർഷത്തെ മുഴുവൻ വാർഷിക പദ്ധതികൾക്കും ജില്ലാ ആസൂത്രണ സമിതി അംഗീകാരം നൽകി. ഡിപിസി ഹാളിൽ ചേർന്ന യോഗത്തിൽ 72 തദ്ദേശ സ്ഥാപനങ്ങളുടെ പദ്ധതി ഭേദഗതിയുൾപ്പെടെ അംഗീകരിച്ചു. നേരത്തെ 21 തദ്ദേശ സ്ഥാപനങ്ങളുടെ വാർഷിക പദ്ധതിക്ക് അംഗീകാരം നൽകിയിരുന്നു.
തദ്ദേശ സ്ഥാപനങ്ങളിലെ ഓവർസിയർമാരുടെയും അസി. എഞ്ചിനിയർമാരുടെയും ഒഴിവുകൾ സർക്കാറിന്റെ ശ്രദ്ധയിൽ പെടുത്താൻ എക്സിക്യൂട്ടീവ് എഞ്ചിനീയർക്ക് യോഗം നിർദേശം നൽകി. പണം മുൻകൂർ നൽകിയിട്ടും ആശുപത്രികളിൽ മരുന്ന് ലഭ്യമാക്കുന്നതിലെ കാലതാമസം ബന്ധപ്പെട്ടവരെ അറിയിച്ചതായി ഡിഎംഒ അറിയിച്ചു. നഗരസഭകളിലെ പട്ടികജാതി പ്രൊജക്ടുകളുടെ നിർവ്വഹണം ബ്ലോക്ക് പട്ടികജാതി വികസന ഓഫീസർമാർ തന്നെ നിർവ്വഹിക്കണമെന്ന് നിർദ്ദേശം നൽകിയതായി ജില്ലാ പട്ടികജാതി വികസന ഓഫീസർ അറിയിച്ചു.
ആസൂത്രണ സമിതി ചെയർപേഴ്സൺ പി പി ദിവ്യ അധ്യക്ഷത വഹിച്ചു. മേയർ അഡ്വ.ടി ഒ മോഹനൻ, ജില്ലാ കലക്ടർ എസ് ചന്ദ്രശേഖർ, ആസൂത്രണ സമിതി അംഗങ്ങളായ അഡ്വ. ബിനോയ് കുര്യൻ, അഡ്വ. ടി സരള, അഡ്വ. കെ കെ രത്നകുമാരി, ലിസി ജോസഫ്, കെ താഹിറ, വി ഗീത, എൻ പി ശ്രീധരൻ, ജില്ലാ പ്ലാനിംഗ് ഓഫീസർ കെ പ്രകാശൻ എന്നിവർ പങ്കെടുത്തു.
സ്വച്ഛതാ റൺ 19ന്
നവംബർ 19ന് ലോക ശുചിമുറി ദിനത്തിൽ ജില്ലാ ശുചിത്വമിഷനും ബ്ലോക്ക് പഞ്ചായത്തുകളും സംഘടിപ്പിക്കുന്ന 'സ്വച്ഛതാറൺ' രാവിലെ 10 മണിക്ക് കൂത്തുപറമ്പ് ബ്ലോക്ക് പഞ്ചായത്ത് പരിസരത്ത് ഫുട്ബാൾ താരം സി കെ വിനീതും, ഇരിക്കൂർ പാലം പരിസരത്ത് ലോക പഞ്ചഗുസ്തി താരം പി കെ പ്രിയയും ഫ്ളാഗ് ഓഫ് ചെയ്യും. ഇരിക്കൂർ ബ്ലോക്കിലെ ജനപ്രതിനിധികൾ, ഹരിത കർമ്മ സേനാംഗങ്ങൾ, കുടുംബശ്രീ പ്രവർത്തകർ, അങ്കണവാടി വർക്കർമാർ, സ്കൂൾ എൻ എസ് എസ് അംഗങ്ങൾ, സ്റ്റുഡൻസ് പെി.കെപാലീസ് എന്നിവർ പങ്കെടുക്കുന്ന റാലി ഇരിക്കൂർ ബ്ലോക്ക് പഞ്ചായത്ത് പരിസരത്ത് സമാപിക്കും.
ശുചിത്വമിഷൻ കണ്ണൂർ സർവകലാശാല നാഷണൽ സർവ്വീസ് സ്കീം യൂനിറ്റുകളുമായി സഹകരിച്ച് 12 കോളേജുകളിൽ 19ന് 'സ്വച്ഛതാറൺ' സംഘടിപ്പിക്കും. സമ്പൂർണ ശുചിത്വ കാമ്പയിൻ പ്രവർത്തനങ്ങൾക്ക് അനുകൂലമായ ശൈലി രൂപീകരണം സാധ്യമാക്കുക എന്ന ലക്ഷ്യത്തോടെയാണ് ലോക ശുചി മുറി ദിനമായ നവംബർ 19 ന് സ്വച്ഛതാ റൺ കാമ്പയിൻ സംസ്ഥാന വ്യാപകമായി സംഘടിപ്പിക്കുന്നത്. ശുചിത്വ പ്രതിജ്ഞയോടെയാണ് റാലി തുടങ്ങുക. വിദ്യാർഥികൾക്ക് പുറമെ ജനപ്രതിനിധികളും പൊതുജനങ്ങളും റാലിയുടെ ഭാഗമാകും. ഇതോടനുബന്ധിച്ച് വിദ്യാർഥികൾക്കായി ശുചിത്വ മുദ്രാവാക്യ രചനാ മൽസരങ്ങളും സംഘടിപ്പിക്കും.
ജില്ലാ തല ഹിന്ദി അധ്യാപക പരിശീലനം തുടങ്ങി
ഹിന്ദി പഠനം ആസ്വാദ്യകരമാക്കാനും ഭാഷാ പ്രാവീണ്യം ആർജിക്കാനും സമഗ്ര ശിക്ഷാ കേരളം നടപ്പിലാക്കുന്ന സുരീലി ജില്ലാതല ഹിന്ദി അധ്യാപക പരിശീലനം തുടങ്ങി. യു പി, ഹൈസ്കൂൾ, ഹയർ സെക്കൻഡറി ക്ലാസുകളിലെ കുട്ടികൾക്ക് ഹിന്ദി പഠനം രസകരമാക്കുന്ന വിവിധ പരിപാടികൾ നടത്തും. പ്രവർത്തന വീഡിയോ കുട്ടികൾക്ക് നൽകും. കണ്ണൂർ നോർത്ത് ബി ആർ സി ഹാളിൽ ജില്ലാ പ്രോഗ്രാം ഓഫീസർ രാജേഷ് കടന്നപ്പള്ളി ഉദ്ഘാടനം ചെയ്തു. എ കെ സൽമാൻ അധ്യക്ഷനായി. കെ വി നാരായണൻ സംസാരിച്ചു. ജില്ലാ പ്രൊജക്ട് കോർഡിനേറ്റർ ഇ സി വിനോദ്, കെ ബിജേഷ്, കെ സി സുധീർ എന്നിവർ സംസാരിച്ചു. ജില്ലയിലെ മുഴുവൻ ഹിന്ദി അധ്യാപകർക്കും പരിശീലനം നൽകും.
കശുവണ്ടി ലേലം
കെ എ പി നാലാം ബറ്റാലിയന്റെ അധീനതയിലുള്ള സ്ഥലങ്ങളിൽ നിന്നും ശേഖരിച്ച കശുവണ്ടി നവംബർ 29ന് രാവിലെ 11 മണിക്ക് ബറ്റാലിയൻ ആസ്ഥാനത്ത് ലേലം ചെയ്യും. ഫോൺ: 0497 2781316.
പാരമ്പര്യേതര ട്രസ്റ്റി നിയമനം
തലശ്ശേരി താലൂക്കിലെ കതിരൂർ കീഴാറ്റിൽ വൈരീഘാതക ക്ഷേത്രത്തിൽ പാരമ്പര്യേതര ട്രസ്റ്റിമാരായി നിയമിക്കാൻ ക്ഷേത്ര പരിസരവാസികളിൽ നിന്ന് അപേക്ഷ ക്ഷണിച്ചു. അപേക്ഷാഫോം മലബാർ ദേവസ്വം ബോർഡ് തലശ്ശേരി അസി.കമ്മീഷണറുടെ ഓഫീസിലും www.malabardevaswom.kerala.gov.in ലും ലഭിക്കും. പൂരിപ്പിച്ച അപേക്ഷ നവംബർ 30ന് വൈകീട്ട് അഞ്ച് മണിക്കകം മലബാർ ദേവസ്വം ബോർഡ് തലശ്ശേരി അസി.കമ്മീഷണറുടെ ഓഫീസിൽ ലഭിക്കണം.
സാക്ഷ്യപത്രം ഹാജരാക്കണം
മലബാർ ദേവസ്വം ബോർഡ് തലശ്ശേരി ഡിവിഷനിൽ നിന്നും ധനസഹായം കൈപ്പറ്റുന്ന ആചാരസ്ഥാനികർ/ കോലധാരികൾക്ക് 2021 നവംബർ മുതലുള്ള വേതനം ലഭിക്കാൻ ക്ഷേത്രഭരണാധികാരികളുടെ സാക്ഷ്യപത്രം, മലബാർ ദേവസ്വം ബോർഡിൽ നിന്നും അനുവദിച്ച തിരിച്ചറിയൽ കാർഡിന്റെ പകർപ്പ്, ഗുണഭോക്താക്കളുടെ ബാങ്ക് പാസ് ബുക്കിന്റെ പകർപ്പ്, മൊബൈൽ നമ്പർ എന്നിവ മലബാർ ദേവസ്വം ബോർഡിന്റെ തിരുവങ്ങാട്ടുള്ള അസിസ്റ്റന്റ് കമ്മീഷണറുടെ ഓഫീസിൽ നവംബർ 30ന് മുമ്പ് സമർപ്പിക്കണം.
ഫിഷറീസ് പ്രൊജക്ട് കോ-ഓർഡിനേറ്റർ നിയമനം
ഫിഷറീസ് വകുപ്പിന്റെ സുഭിക്ഷ കേരളം ജനകീയ മത്സ്യകൃഷി പദ്ധതികളുടെഫീൽഡ് തല പ്രവർത്തനങ്ങൾക്ക് ജില്ലയിൽ കരാർ അടിസ്ഥാനത്തിൽ പ്രൊജക്ട് കോ-ഓർഡിനേറ്ററെ നിയമിക്കുന്നു. യോഗ്യത: സംസ്ഥാന കാർഷിക സർവകലാശാല, ഫിഷറീസ് സർവ്വകലാശാല എന്നിവിടങ്ങളിൽ നിന്നുള്ള ബി എഫ് എസ്സി, അംഗീകൃത സർവ്വകലാശാലയിൽ നിന്നും അക്വാകൾച്ചറിലുള്ള പി ജി ബിരുദം/അംഗീകൃത സർവ്വകലാശാലയിൽ നിന്നും ഫിഷറീസ് വിഷയങ്ങളിലോ സുവോളജിയിലോ ഉള്ള പി ജി ബിരുദവും സർക്കാർ സ്ഥാപനങ്ങളിലെ അക്വാകൾച്ചൾ മേഖലയിൽ മൂന്ന് വർഷത്തെ പ്രവൃത്തി പരിചയവും. നവംബർ 23ന് രാവിലെ 11 മണിക്ക് മാപ്പിളബേയിലെ ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിൽ അഭിമുഖം നടക്കും. ഫോൺ: 0497 2731081.
നവകേരളം തദ്ദേശകം: യോഗം 25ന്
ജില്ലയിലെ തദ്ദേശ സ്വയംഭരണ സ്ഥാപന അധ്യക്ഷൻമാരുടെയും സെക്രട്ടറിമാരുടെയും യോഗം നവംബർ 25ന് രാവിലെ 10 മണിക്ക് ജില്ലാ പഞ്ചായത്ത് കോൺഫറൻസ് ഹാളിൽ ചേരും. തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് പങ്കെടുക്കും.
ജില്ലാ വികസന സമിതി യോഗം
ജില്ലാ വികസന സമിതി യോഗം നവംബർ 26ന് രാവിലെ 11 മണിക്ക് ജില്ലാ ആസൂത്രണ സമിതി കോൺഫറൻസ് ഹാളിൽ ചേരും.
കെൽട്രോൺ കോഴ്സുകൾ
കെൽട്രോണിന്റെ തലശ്ശേരി നോളജ് സെന്ററിൽ ഒരു വർഷത്തെ പ്രൊഫഷണൽ ഡിപ്ലോമ ഇൻ ലോജിസ്റ്റിക്സ് ആന്റ് സപ്ലൈ ചെയ്ൻ മാനേജ്മെന്റ്, ആറ് മാസത്തെ ഡിപ്ലോമ ഇൻ ഓഫീസ് അക്കൗണ്ടിങ്, ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ എന്നീ കോഴ്സുകളിലേക്ക് പ്രവേശനം തുടങ്ങി. യോഗ്യത പ്ലസ്ടു. താൽപര്യമുള്ളവർ നേരിട്ട് ഹാജരാകണം. ഫോൺ: 0490 2321888, 9400096100.
ക്വട്ടേഷൻ
പെരിങ്ങോം ഗവ. കോളേജിലേക്ക് സ്പോർട്സ് ഉപകരണങ്ങൾ, സ്പോർട്സ് യൂണിഫോമുകൾ എന്നിവ വിതരണം ചെയ്യാൻ ക്വട്ടേഷൻ ക്ഷണിച്ചു. നവംബർ 25ന് രാവിലെ 11 മണി വരെ ക്വട്ടേഷൻ സ്വീകരിക്കും. ഫോൺ: 04985 295440.
ലേലം
പൊതുമരാമത്ത് വകുപ്പ് കെട്ടിട ഉപവിഭാഗം തളിപ്പറമ്പ് കാര്യാലയത്തിന്റെ കോമ്പൗണ്ടിലുള്ള വിവിധ മരങ്ങൾ ഡിസംബർ രണ്ടിന് രാവിലെ 11 മണിക്ക് തളിപ്പറമ്പ് കാര്യാലയത്തിൽ ലേലം ചെയ്യും. ഫോൺ: 0460 2209696.
വൈദ്യുതി മുടങ്ങും
കണ്ണൂർ ഇലക്ട്രിക്കൽ സെക്ഷനിലെ ചേനോളി ജംഗ്ഷൻ, ധനലക്ഷ്മി ആശുപത്രി, ദിനേശ് ഓഡിറ്റോറിയം എന്നിവിടങ്ങളിൽ നവംബർ 19 ശനി രാവിലെ ഒൻപത് മുതൽ വൈകീട്ട് അഞ്ച് മണി വരെയും മേലെ ചൊവ്വ, ധർമ്മസമാജം, കേനന്നൂർ ഹാന്റ്ലൂംസ്, കപ്പണപറമ്പ്, ലോകനാഥ് റോഡ്, ഇൻകം ടാക്സ്, ബിഷപ്പ് ഹൗസ്, മാധ്യമം, കണ്ണൂക്കര, ജയശ്രീ പമ്പ്, കണ്ണോത്തുംചാൽ ഭാഗങ്ങളിൽ രാവിലെ ഒമ്പത് മുതൽ ഉച്ചക്ക് രണ്ട് മണി വരെയും വൈദ്യുതി മുടങ്ങും.
കണ്ണൂർ ഇലക്ട്രിക്കൽ സെക്ഷനിലെ ചേനോളി ജങ്ഷൻ, ധനലക്ഷ്മി ഹോസ്പിറ്റൽ, ദിനേശ് ഓഡിറ്റോറിയം എന്നീ ഭാഗങ്ങളിൾ നവംബർ 19 ശനി രാവിലെ ഒമ്പത് മുതൽ വൈകിട്ട് അഞ്ച് മണി വരെയും മേലെ ചൊവ്വ, ധർമ്മസമാജം, കേനന്നൂർ ഹേന്റ്ലൂംസ്, കപ്പണ പറമ്പ്, ലോകനാഥ് റോഡ്, ഇൻകം ടാക്സ്, ബിഷപ്പ് ഹൗസ്, മാധ്യമം, കണ്ണൂക്കര, ജയശ്രീ പമ്പ്, കണ്ണോത്തുംചാൽ എന്നീ ഭാഗങ്ങളിൽ രാവിലെ ഒമ്പത് മുതൽ രണ്ട് മണി വരെയും വൈദ്യുതി മുടങ്ങും.
തയ്യിൽ ഇലക്ട്രിക്കൽ സെക്ഷനിലെ ടാറ്റാ എൻ എൻ എസ്സ്, എൻ എൻ എസ് ഓഡിറ്റോറിയം എന്നിവിടങ്ങളിൽ നവംബർ 19ന് രാവിലെ 10.30 മുതൽ ഉച്ചക്ക് രണ്ട് മണി വരെയും മഞ്ഞക്കൽ, വട്ടുപ്പാറ, കടലായി നട എന്നിവിടങ്ങളിൽ ഉച്ചക്ക് രണ്ട് മുതൽ വൈകിട്ട് അഞ്ച് മണി വരെയും വൈദ്യുതി മുടങ്ങും.
ശ്രീകണ്ഠാപുരം ഇലക്ട്രിക്കൽ സെക്ഷനിലെ എള്ളരിഞ്ഞിയിൽ നവംബർ 19ന് രാവിലെ ഒമ്പത് മണി മുതൽ വൈകിട്ട് അഞ്ച് വരെ ഭാഗികമായി വൈദ്യുതി മുടങ്ങും.
ശിവപുരം ഇലക്ട്രിക്കൽ സെക്ഷനിലെ കെ പി ആർ നഗർ, പനക്കളം പ്രദേശങ്ങളിൽ നവംബർ 19ന് രാവിലെ 9.30 മുതൽ വൈകിട്ട് അഞ്ച് മണി വരെ വൈദ്യുതി മുടങ്ങും.