അംഗ സമാശ്വാസ നിധി: മൂന്നാംഘട്ട ജില്ലാതല വിതരണോദ്ഘാടനം 29ന്
November 29 | 12:15 AM
അംഗ സമാശ്വാസ നിധി: മൂന്നാംഘട്ട ജില്ലാതല വിതരണോദ്ഘാടനം 29ന്
സഹകരണ വകുപ്പിന്റെ അംഗ സമാശ്വാസ നിധി മൂന്നാംഘട്ട സഹായ വിതരണത്തിന്റെ ജില്ലാതല ഉദ്ഘാടനം നവംബർ 29ന് ഉച്ച ഒരു മണിക്ക് ഫിഷറീസ്-കായിക വകുപ്പ് മന്ത്രി വി അബ്ദുറഹിമാൻ നിർവ്വഹിക്കും. മട്ടന്നൂർ സഹകരണ റൂറൽ ബാങ്ക് ഓഡിറ്റോറിയത്തിൽ നടക്കുന്ന ചടങ്ങിൽ കെ കെ ശൈലജ ടീച്ചർ എം എൽ എ അധ്യക്ഷത വഹിക്കും. രോഗബാധിതരായി ദുരിതമനുഭവിക്കുന്ന സഹകരണ സംഘം അംഗങ്ങളെ സഹായിക്കുന്നതാണ് പദ്ധതി.
കായികോപകരണ വിതരണ ഉദ്ഘാടനം 29ന്
തരംഗം സമഗ്ര വിദ്യാഭ്യാസ പദ്ധതിയുടെ ഭാഗമായുള്ള കായികോപകരണ വിതരണത്തിന്റെ ഉദ്ഘാടനം നവംബർ 29ന് ഉച്ച രണ്ടിന് മട്ടന്നൂർ ഹയർ സെക്കൻഡറി സ്കൂൾ ഓഡിറ്റോറിയത്തിൽ ഫിഷറീസ്-കായിക വകുപ്പ് മന്ത്രി വി അബ്ദുറഹിമാൻ നിർവഹിക്കും. കെ കെ ശൈലജ ടീച്ചർ എംഎൽഎ അധ്യക്ഷയാവും.
നരവംശ ശാസ്ത്ര സിനിമയുടെ നൂറാം വാർഷികം: ഫിലിം ഫെസ്റ്റ് 30ന്
നരവംശശാത്ര സിനിമയുടെ നൂറാം വർഷികാഘോഷത്തിന്റെ ഭാഗമായി കണ്ണൂർ സർവ്വകലാശാല നരവംശശാത്ര വകുപ്പ് ഫിലിം ഫെസ്റ്റ് സംഘടിപ്പിക്കുന്നു. പാലയാട് ഡോ. ജാനകി അമ്മാൾ ക്യാമ്പസിൽ നവംബർ 30ന് നടക്കുന്ന ഫിലിം ഫെസ്റ്റ് രാവിലെ 9.30ന് സിൻഡിക്കേറ്റ് അംഗം പ്രമോദ് വെള്ളച്ചാൽ ഉദ്ഘാടനം ചെയ്യും. വകുപ്പ് മേധാവി ഡോ. എം എസ് മഹേന്ദ്രകുമാർ അധ്യക്ഷത വഹിക്കും.
അമേരിക്കൻ സിനിമ സംവിധായകനായിരുന്ന റോബർട്ട് ഫ്ലഹർട്ടി 1922 ചിത്രീകരിച്ച 'നാനൂക് ഓഫ് ദ നോർത്ത്' എന്ന നരവംശ ശാസ്ത്ര സിനിമയുടെ നൂറാം വാർഷികവുമായി ബന്ധപ്പെട്ടാണ് ഫെസ്റ്റ് സംഘടിപ്പിക്കുന്നത്. നരവംശ ശാസ്ത്രവുമായി ബന്ധപ്പെട്ട വിവിധ സിനിമകളുടെ പ്രദർശനം, സിനിമ ചർച്ചകൾ, നാനൂക്ക് ഓഫ് ദ നോർത്തിനെ അടിസ്ഥാനമാക്കി വിദ്യാർഥികളുടെ പ്രബന്ധ അവതരണം എന്നിവയും നടക്കും.
തൊഴിലധിഷ്ഠിത കോഴ്സുകൾ
കണ്ണൂർ ഗവ. ഐ ടി ഐയിൽ ഐ എം സി നടത്തുന്ന ഹ്രസ്വകാല തൊഴിലധിഷ്ഠിത ഡിപ്ലോമ കോഴ്സുകളായ ക്വാളിറ്റി കൺട്രോൾ, ഓയിൽ ആന്റ് ഗ്യാസ് ടെക്നോളജി എന്നിവയിലേക്ക് അപേക്ഷ ക്ഷണിച്ചു. അപേക്ഷകർ എസ് എസ് എൽ സി, പ്ലസ്ടു, വി എച്ച് എസ് ഇ, ഡിഗ്രി, ബി ടെക് കഴിഞ്ഞവർ ആയിരിക്കണം. ഫോൺ: 8301098705
വിചാരണ മാറ്റി
നവംബർ 29, 30, ഡിസംബർ 1 തിയതികളിൽ രാവിലെ 11ന് കലക്ടറേറ്റിൽ വിചാരണ നടത്താനിരുന്ന കണ്ണൂർ താലൂക്കിലെ ദേവസ്വം പട്ടയ കേസുകൾ യഥാക്രമം ജനുവരി 10, 11, 12 തീയതികളിലേക്ക് മാറ്റിയതായി എൽ ആർ ഡെപ്യൂട്ടി കലക്ടർ അറിയിച്ചു.
വൈദ്യുതി മുടങ്ങും
ഉളിക്കൽ ഇലക്ട്രിക്കൽ സെക്ഷനിലെ മുക്കുഴി, എ കെ ജി നഗർ, ബംഗ്ലാവ്, ചിറ്റാരി, പഞ്ചാരമുക്ക്, കരിമ്പാല കോളനി, കാഞ്ഞിരക്കൊല്ലി മിൽമ, ആമിന തോട്, ഏലപ്പാറ, ശശിപ്പാറ, കുട്ടിമാവ് എന്നീ ട്രാൻസ്ഫോർമർ പരിധിയിൽ നവംബർ 29ന് രാവിലെ ഒമ്പത് മണി മുതൽ വൈകീട്ട് അഞ്ച് വരെയും വട്ട്യാംതോട്, ചീരൻ കരി, മഞ്ഞേരിപ്പടി, കടമനകണ്ടി, പമ്പരം പള്ളി, മാട്ടറ, ചോയിമട, കാലാങ്കി, പാലുമുക്ക്, അങ്ങാടിശ്ശേരി തട്ട്, തൊമ്മൻ കട, മേലോത്തുംകുന്ന് എന്നിവിടങ്ങളിൽ ഉച്ചയ്ക്ക് 12 മണി മുതൽ വൈകീട്ട് അഞ്ച് മണി വരെ ഭാഗികമായും വൈദ്യുതി മുടങ്ങും.
പാനൂർ ഇലക്ട്രിക്കൽ സെക്ഷനിലെ കണ്ടുകുളം, ചന്ത്രോത്ത് മുക്ക്, മനേക്കര ഷെൽട്ടർ, പുഞ്ചക്കര, വെസ്റ്റ് മനേക്കര, എം എൻ ട്രാൻസ്ഫോർമർ പരിധികളിൽ നവംബർ 29ന് രാവിലെ ഏഴ് മണി മുതൽ വൈകീട്ട് അഞ്ച് വരെയും പാലത്തായി ഡയാലിസിസ് സെന്റർ, ഔഷധി ട്രാൻസ്ഫോർമർ പരിധികളിൽ രാവിലെ ഒമ്പത് മണി മുതൽ വൈകീട്ട് അഞ്ച് വരെയും വൈദ്യുതി മുടങ്ങും.
പാടിയോട്ടുചാൽ ഇലക്ട്രിക്കൽ സെക്ഷനിലെ കുണ്ടുവാടി ട്രാൻസ്ഫോമർ പരിധിയിൽ നവംബർ 29ന് രാവിലെ ഒമ്പത് മണി മുതൽ വൈകീട്ട് അഞ്ച് വരെ വൈദ്യുതി മുടങ്ങും.