November 26 | 10:02 AM

മന്ത്രി കെ എൻ ബാലഗോപാൽ 28ന് ജില്ലയിൽ; പി ആർ ഡി അറിയിപ്പുകൾ 
ധനകാര്യ വകുപ്പ് മന്ത്രി കെ എൻ ബാലഗോപാൽ നവംബർ 28ന് ജില്ലയിലെ വിവിധ പരിപാടികളിൽ പങ്കെടുക്കും. രാവിലെ 10.30ന് മാവിലായി റെയ്ഡ്‌കോ 50-ാം വാർഷികാഘോഷം, 12 മണിക്ക് പേരാവൂർ സബ് ട്രഷറി ഉദ്ഘാടനം, 2.30ന് കെ എസ് എഫ് ഇ തളിപ്പറമ്പ് ബ്രാഞ്ച് ഉദ്ഘാടനം, 3.30ന് പയ്യന്നൂർ മണ്ഡലം സമഗ്ര വിദ്യാഭ്യാസ പദ്ധതി ഉദ്ഘാടനം-പയ്യന്നൂർ എ കെ കൃഷ്ണൻ മാസ്റ്റർ ഓഡിറ്റോറിയം, നാല് മണിക്ക് കെ എസ് എഫ് ഇ പയ്യന്നൂർ ബ്രാഞ്ച് ഉദ്ഘാടനം, 4.30ന് വെള്ളൂർ കോ-ഓപ്പറേറ്റീവ് ബാങ്ക് കെട്ടിടോദ്ഘാടനം.

ഓൺലൈൻ പരാതി പരിഹാര സമ്പർക്ക പരിപാടി
കണ്ണൂർ റീജ്യണൽ പ്രൊവിഡന്റ് ഫണ്ട് കമ്മീഷണർ നിധി താങ്കൾക്കരികെ എന്ന പേരിൽ ഗുണഭോക്താക്കൾക്കായുള്ള പ്രതിമാസ ഓൺലൈൻ പരാതി പരിഹാര സമ്പർക്ക പരിപാടി നടത്തുന്നു. ഡിസംബർ ഒമ്പതിന് രാവിലെ 10 മണി മുതൽ 11.30 വരെയാണ് പരിപാടി. കണ്ണൂർ, കാസർകോട് ജില്ലകളിലെയും മാഹി കേന്ദ്രഭരണ പ്രദേശത്തെയും ഇ പി എഫ് അംഗങ്ങൾ, ഇ പി എസ് പെൻഷണർമാർ, ഉടൻ വിരമിക്കുന്ന അംഗങ്ങൾ, തൊഴിലാളി സംഘടന പ്രതിനിധികൾ, സ്ഥാപന ഉടമകൾ/പ്രതിനിധികൾ എന്നിവർക്ക് പങ്കെടുക്കാം. പി എഫ് അക്കൗണ്ട് നമ്പർ/പി പി ഒ നമ്പർ, ഫോൺ നമ്പർ എന്നിവ സഹിതം ഡിസംബർ അഞ്ചിനകം കണ്ണൂർ പി എഫ് ഓഫീസിൽ പരാതികൾ സമർപ്പിക്കണം. ഫോൺ: 0497 2712388.

സംസ്ഥാന കേരളോത്സവം: സംഘാടക സമിതി യോഗം 26ന്
സംസ്ഥാന യുവജനക്ഷേമ ബോർഡ് തദ്ദേശ സ്വയംഭരണ സ്ഥാപനങ്ങളുടെയും വിവിധ വകുപ്പുകളുടെയും സഹകരണത്തോടെ സംഘടിപ്പിക്കുന്ന സംസ്ഥാന കേരളോത്സവത്തിന്റെ സംഘാടക സമിതി യോഗം നവംബർ 26 ശനി നടക്കും. രാവിലെ ഒമ്പത് മണിക്ക് ജില്ലാ പഞ്ചായത്ത് ഓഡിറ്റോറിയത്തിൽ നടക്കുന്ന യോഗം പൊതുമരാമത്ത് ടൂറിസം യുവജനകാര്യ വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും.

വോട്ടർ പട്ടിക പുതുക്കാം
2023 ജനുവരി ഒന്നിന് 18 വയസ്സ് പൂർത്തിയാകുന്നവരെ ഉൾപ്പെടുത്തി വോട്ടർ പട്ടിക പുതുക്കുന്നു. വോട്ടർ പട്ടികയിലെ പേര്, ഫോട്ടോ, വയസ്സ്, ജനനതീയതി, കുടുംബവിവരങ്ങൾ എന്നിവയിൽ ഡിസംബർ എട്ട് വരെ തിരുത്തലുകൾ വരുത്താം. നവംബർ ഒമ്പതിന് പ്രസിദ്ധീകരിച്ച കരട് വോട്ടർ പട്ടികയിന്മേൽ ആക്ഷേപങ്ങളോ, പുതിയ ആക്ഷേപങ്ങളോ ഉണ്ടെങ്കിൽ ഡിസംബർ എട്ട് വരെ സ്വീകരിക്കും. നവംബർ 26, 27 ഡിസംബർ മൂന്ന്, നാല് തീയതികളിൽ രാവിലെ 10 മണി മുതൽ വൈകിട്ട് അഞ്ച് വരെ താലൂക്ക് ഓഫീസുകളിലും   വില്ലേജ് ഓഫീസുകളിലും പ്രത്യേക ക്യാമ്പുകൾ സംഘടിപ്പിക്കും. താലൂക്കിലും കലക്ടറേറ്റിലും സജ്ജീകരിച്ച വോട്ടർ സഹായ കേന്ദ്രങ്ങൾ സന്ദർശിച്ച് വോട്ടർമാർക്ക് വിവരങ്ങൾ ഉറപ്പുവരുത്താം.

ജില്ലാ പഞ്ചായത്ത് ഭരണ സിമിതി യോഗം 26ന്
ജില്ലാ പഞ്ചായത്ത് ഭരണ സമിതി യോഗം നവംബർ 26 ശനി രാവിലെ 11 മണിക്ക് ജില്ലാ പഞ്ചായത്ത് ഹാളിൽ ചേരും.

ടെക്നോളജി മാനേജ്മെന്റ് ഡെവലപ്മെന്റ് പ്രോഗ്രാം
വ്യവസായ വാണിജ്യ വകുപ്പും ജില്ലാ വ്യവസായ കേന്ദ്രവും ഇനറർനാഷണൽ ലേബർ ഓർഗനൈസേഷൻ സംരംഭകത്വ വിഭാഗവും ഫുഡ് ക്രാഫ്റ്റ് ഇൻസ്റ്റിറ്റ്യൂട്ടും ചേർന്ന് ഭക്ഷ്യ ഉൽപ്പന്ന നിർമാണ മേഖലയിൽ 20 ദിവസത്തെ ടെക്നോളജി മാനേജ്മെന്റ് ഡെവലപ്മെന്റ് പ്രോഗ്രാം സംഘടിപ്പിക്കുന്നു.

ഡിസംബർ 15 മുതൽ നടത്തുന്ന പരിപാടിയിൽ വൈവിധ്യമാർന്ന ഉൽപ്പന്നങ്ങളുടെ തെരഞ്ഞെടുക്കൽ, സംഭരിക്കൽ, ഉൽപാദനം, വിപണനം, അക്കൗണ്ടിങ്, മാർക്കറ്റിങ്, സ്‌കിൽ, സംരംഭകത്വം എന്നീ മേഖലകളിൽ വിദഗ്ധരുടെ ക്ലാസുകളും കണ്ണൂർ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ പത്ത് ദിവസത്തെ പ്രായോഗിക പരിശീലനവും ലഭിക്കും.

വിദ്യാഭ്യാസ യോഗ്യത പത്താം ക്ലാസ്. പ്രായം 18നും 45നും ഇടയിൽ. വനിത/ എസ് സി/ എസ് ടി, നിലവിൽ സംരംഭം നടത്തുന്നവർ, ഭക്ഷ്യ ഉൽപന്ന മേഖലയിൽ താൽപര്യവും പ്രാവീണ്യവും ഉള്ളവർ എന്നിവർക്ക് മുൻഗണന. അഭിമുഖത്തിന്റെ അടിസ്ഥാനത്തിലാണ് തെരഞ്ഞെടുപ്പ്.

താൽപര്യമുള്ളവർ ജനനതീയതി, വിദ്യാഭ്യാസ യോഗ്യത എന്നിവ തെളിയിക്കുന്ന രേഖകൾ, തിരിച്ചറിയൽ കാർഡിന്റെ പകർപ്പ് എന്നിവ സഹിതം ഡിസംബർ അഞ്ചിനകം ജില്ലാ വ്യവസായ കേന്ദ്രത്തിൽ അപേക്ഷ സമർപ്പിക്കണം. ഫോൺ: 0497 2707522, 9846923064.

പൊലീസ് പരാതി അതോറിറ്റി സിറ്റിങ് മാറ്റി
കലക്ടറേറ്റിൽ നവംബർ 29ന് രാവിലെ 11 മണിക്ക് നടത്താൻ നിശ്ചയിച്ചിരുന്ന ജില്ലാ പൊലീസ് പരാതി അതോറിറ്റി സിറ്റിങ് മറ്റൊരു ദിവസത്തേക്ക് മാറ്റിയതായി സെക്രട്ടറി അറിയിച്ചു.

യൂത്ത് ക്ലബ് അവാർഡിന് അപേക്ഷിക്കാം
നെഹ്റു യുവകേന്ദ്ര യുവജന ക്ഷേമ കായിക മേഖലകളിൽ മികച്ച പ്രവർത്തനം നടത്തുന്ന യൂത്ത് ക്ലബ്ബുകൾക്കുള്ള അവാർഡിന് അപേക്ഷ ക്ഷണിച്ചു. 2021 ഏപ്രിൽ ഒന്ന് മുതൽ 2022 മാർച്ച് 31 വരെയുള്ള പ്രവർത്തനങ്ങൾ വിലയിരുത്തിയാണ് 25000 രൂപയും പ്രശസ്തി പത്രവുമടങ്ങുന്ന ജില്ലാതല അവാർഡ് നൽകുക. കഴിഞ്ഞ രണ്ടു വർഷങ്ങളിൽ അവാർഡ് ലഭിച്ചവർ അപേക്ഷിക്കരുത്. അപേക്ഷ ഫോം പൂരിപ്പിച്ച് ഫോട്ടോ, വീഡിയോ, പത്ര കട്ടിങ്ങുകൾ, ചാർട്ടേർഡ് അക്കൗണ്ടന്റ് ഓഡിറ്റ് ചെയ്ത വരവ് ചെലവ് കണക്കുകൾ എന്നിവ സഹിതം ഡിസംബർ 14നകം ജില്ലാ യൂത്ത് ഓഫീസർ, നെഹ്‌റുയുവകേന്ദ്ര കണ്ണൂർ തളാപ്പ് പി ഒ, പിൻ 670002 എന്ന വിലാസത്തിൽ സമർപ്പിക്കണം. ഫോൺ: 0497 2700881.

ക്വട്ടേഷൻ
തളിപ്പറമ്പ് ബ്ലോക്ക് പഞ്ചായത്ത് ഓഫീസ് കോമ്പൗണ്ടിലുള്ള വിവിധ മരങ്ങൾ മുറിച്ചുമാറ്റുന്നതിന് താൽപര്യമുള്ള വ്യക്തികളിൽ നിന്നും ക്വട്ടേഷൻ ക്ഷണിച്ചു. നവംബർ 29ന് വൈകിട്ട് മൂന്ന് മണി വരെ ക്വട്ടേഷൻ സ്വീകരിക്കും. ഫോൺ: 0460 2203295.

തേക്ക് തടികൾ വിൽപനക്ക്
വനം വകുപ്പിന്റെ കണ്ണോത്ത് ഗവ. ടിമ്പർ ഡിപ്പോയിൽ തേക്ക് തടികളുടെ വിൽപന ഡിസംബർ അഞ്ച്, 13, 27 തീയതികളിൽ നടക്കും. മരുത്, കരിമരുത്, മഹാഗണി, പൂവ്വം, ചടച്ചി, ആഞ്ഞിലി, കുന്നിവാക, ഇരൂൾ എന്നീ തടികളും വിൽപനക്ക് ഒരുക്കിയിട്ടുണ്ട്. ഓൺലൈൻ ലേലത്തിൽ പങ്കെടുക്കാൻ www.mstcecommerce.com വഴി രജിസ്റ്റർ ചെയ്യണം. പാൻകാർഡ്, ദേശസാൽകൃത ബാങ്ക് പാസ്ബുക്ക്, ആധാർ/തിരിച്ചറിയൽ കാർഡ്, ഇ മെയിൽ വിലാസം, കച്ചവടക്കാർ ജി എസ് ടി രജിസ്‌ട്രേഷൻ സർട്ടിഫിക്കറ്റ് എന്നിവ സഹിതം കണ്ണോത്ത് ഗവ. ടിമ്പർ ഡിപ്പോയിലും രജിസ്‌ട്രേഷൻ നടത്താം. ഫോൺ: 0490 2302080.

ലേലം
കേരള ഖാദി ഗ്രാമ വ്യവസായ ബോർഡ് കുടിശിക ഈടാക്കാൻ ജപ്തി ചെയ്ത കുറ്റിയാട്ടൂർ അംശം ദേശത്ത് റി സ 291/12ൽ പെട്ട 0.0445 ഹെക്ടർ സ്ഥലത്തിന്റെ ലേലം നവംബർ 28ന് രാവിലെ 11.30ന് കുറ്റിയാട്ടൂർ വില്ലേജ് ഓഫീസിൽ നടക്കും. കൂടുതൽ വിവരങ്ങൾ കുറ്റിയാട്ടൂർ വില്ലേജ് ഓഫീസിലും തളിപ്പറമ്പ് താലൂക്ക് ഓഫീസിലും ലഭിക്കും.

ട്രയൽ കോ-ഓർഡിനേറ്റർ, റിസർച്ച് നഴ്സ് നിയമനം
തലശ്ശേരി മലബാർ കാൻസർ സെന്ററിൽ താത്കാലിക ഗവേഷണ പ്രൊജക്ടുകളിലേക്ക് ക്ലിനിക്കൽ ട്രയൽ കോ-ഓർഡിനേറ്റർ, റിസർച്ച് നഴ്‌സ് എന്നിവരെ നിയമിക്കുന്നു. വാക് ഇൻ ഇന്റർവ്യൂ ഡിസംബർ മൂന്നിന് രാവിലെ 9.30 ന് മലബാർ കാൻസർ സെന്ററിൽ നടക്കും. ഫോൺ: 0490 2399249. വെബ്‌സൈറ്റ്: www.mcc.kerala.gov.in

തത്സമയ പ്രവേശനം
കാസർകോട് ഗവ. പോളിടെക്‌നിക്ക് കോളേജിൽ ഒന്നാം വർഷ ഡിപ്ലോമ എഞ്ചിനീയറിംഗ് ബ്രാഞ്ചുകളിൽ അവസാനഘട്ട സ്‌പോട്ട് അഡ്മിഷൻ നടത്തുന്നു. താൽപര്യമുളളവർ ഒക്ടോബർ 29ന് രാവിലെ ഒമ്പതിനും പത്തിനുമിടയിൽ പെരിയയിലെ പോളിടെക്‌നിക്കിൽ പേര് രജിസ്റ്റർ ചെയ്യണം. പ്രവേശനം ലഭിച്ച് സ്ഥാപന മാറ്റമോ, ബ്രാഞ്ച് മാറ്റമോ ആഗ്രഹിക്കുന്നവർക്കും റാങ്ക് ലിസ്റ്റിൽ ഉൾപ്പെട്ടവർക്കും പങ്കെടുക്കാം. പുതുതായി അപേക്ഷ സമർപ്പിച്ചും പ്രവേശനം നേടാം. പട്ടികജാതി പട്ടികവർഗക്കാർ തഹസിൽദാറിൽ നിന്നുള്ള ജാതി സർട്ടിഫിക്കറ്റും ജാതി സംവരണത്തിന് അർഹതയുള്ളവർ ഒരു വർഷത്തിനകം ലഭിച്ച വരുമാന സർട്ടിഫിക്കറ്റും ഹാജരാക്കണം. അവസരം ലഭിക്കുന്നവർ അപ്പോൾ തന്നെ എ ടി എം കാർഡ് ഉപയോഗിച്ച് ഫീസ് നൽകണം. ഫോൺ: 9495373926, 7907729911.

പോസ്റ്റർ ക്യാമ്പയിൻ
സ്‌നേഹതീരം സുരക്ഷാ പ്രൊജക്ട് ലോക എയ്ഡ്‌സ് ദിനത്തിന്റെ ഭാഗമായി 'ഒന്നായി തുല്ല്യരായി തടുത്തു നിർത്താം' എന്ന വിഷയത്തിൽ സ്‌കൂൾ കുട്ടികൾക്കായി പോസ്റ്റർ ക്യാമ്പയിൻ നടത്തുന്നു. താൽപര്യമുള്ളവർ നവംബർ 30ന് വൈകീട്ട് അഞ്ച് മണിക്കകം nsehatheeramkannur@gmail.com എന്ന ഇ മെയിലിൽ പോസ്റ്റർ അയക്കണം. ഫോൺ: 8075644726.

വിമുക്ത ഭടന്മാരുടെ മക്കൾക്ക് സ്‌കോളർഷിപ്പ് 
വിമുക്ത ഭടന്മാരുടെ ആശ്രിതരായ, തൊഴിൽ അധിഷ്ഠിത/സാങ്കേതിക കോഴ്‌സുകളിൽ പഠിക്കുന്ന മക്കൾ, ഭാര്യ എന്നിവർക്ക് അമാൽഗമേറ്റഡ് ഫണ്ട് സ്‌കോളർഷിപ്പിന് അപേക്ഷിക്കാം. അപേക്ഷ ഡിസംബർ 15നകം ലഭിക്കണം. കഴിഞ്ഞ അധ്യയന വർഷത്തെ വാർഷിക പരീക്ഷയിൽ 50 ശതമാനമെങ്കിലും മാർക്ക് ലഭിച്ചവർ, 25 വയസിന് മുമ്പ് കോഴ്സിൽ ചേർന്നവർ എന്നിവർക്കാണ് യോഗ്യത. വിശദ വിവരങ്ങൾക്ക് ജില്ലാ സൈനിക ക്ഷേമ ഓഫീസുമായി ബന്ധപ്പടുക.

ഓംബുഡ്സ്മാൻ സിറ്റിങ് നടത്തി
മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിയിലെ ഓംബുഡ്സ്മാൻ കെ എം രാമകൃഷ്ണൻ തളിപ്പറമ്പ് ബ്ലോക്ക് പഞ്ചായത്ത് ഓഫീസിൽ നടത്തയ സിറ്റിങ്ങിൽ നാല് പരാതി ലഭിച്ചു. ഉദയഗിരി ഗ്രാമപഞ്ചായത്തിന്റെ മെറ്റീരിയൽ പ്രവൃത്തികളുടെ ഫയലുകൾ ഓംബുഡ്സ്മാൻ പരിശോധിച്ചു. ഇതിൽ കണ്ടെത്തിയ പോരായ്മകൾ പരിഹരിക്കാൻ പഞ്ചായത്ത് ഉദ്യോഗസ്ഥർക്കും ബ്ലോക്ക് പ്രോഗ്രാം ഓഫീസർക്കും നിർദ്ദേശം നൽകി. തുടർന്ന് കുറുമാത്തൂർ ഗ്രാമപഞ്ചാത്തിലെ തൊഴിലുറപ്പ് പ്രവൃത്തി സ്ഥലം സന്ദർശിക്കുകയും ചെയ്തു. സിറ്റിങ്ങിൽ ബ്ലോക്ക് പ്രോഗ്രാം ഓഫീസർ പ്രസീത, ജോയിന്റ് ബി ഡി ഒ ശശിധരൻ, കുറുമാത്തൂർ, ഉദയഗിരി ഗ്രാമപഞ്ചായത്തുകളിലെ എ ഇ, ഓവസിയർ തുടങ്ങിയവർ പങ്കെടുത്തു.

തൊഴിലധിഷ്ഠിത കോഴ്സുകൾക്ക് അപേക്ഷിക്കാം
കണ്ണൂർ ഗവ. ഐ ടി ഐ യിൽ ഐ എം സി നടത്തുന്ന ഹ്രസ്വകാല തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. സർട്ടിഫിക്കറ്റ് കോഴ്സ് ഇൻ ടാലി(രണ്ട് മാസം), ഡിപ്ലോമ ഇൻ ഇന്ത്യൻ ആന്റ് ഫോറിൻ അക്കൗണ്ടിംഗ് (ആറ് മാസം), ഡിപ്ലോമ ഇൻ മൊബൈൽ ഫോൺ ടെക്നോളജി(നാല് മാസം), സർട്ടിഫിക്കറ്റ് കോഴ്സ് ഇൻ സി സി ടി വി(രണ്ട് മാസം), എം എസ് ഓഫീസ്(രണ്ട് മാസം), എന്നീ കോഴ്സുകളിലേക്കാണ് അപേക്ഷ ക്ഷണിച്ചത്. ഫോൺ: 9745479354, 0497 2835987.

കണ്ണൂർ പുഷ്പോത്സവം ജനുവരി മൂന്നാം വാരം
കണ്ണൂർ അഗ്രി ഹോർട്ടികൾച്ചറൽ സൊസൈറ്റിയുടെ ആഭിമുഖ്യത്തിൽ സംഘടിപ്പിക്കുന്ന ഈ വർഷത്തെ കണ്ണൂർ പുഷ്പോത്സവം ജനുവരി മൂന്നാം വാരം നടക്കും. കലക്ടറേറ്റ് കോൺഫറൻസ് ഹാളിൽ ചേർന്ന സംഘാടക സമിതി യോഗത്തിന്റേതാണ് തീരുമാനം. ജില്ലാ കലക്ടർ എസ് ചന്ദ്രശേഖർ അധ്യക്ഷത വഹിച്ചു. കോർപറേഷൻ മേയർ ടി ഒ മോഹനൻ, ജില്ലയിലെ എം പിമാർ, എം എൽ എമാരായ രാമചന്ദ്രൻ കടന്നപ്പള്ളി, കെ വി സുമേഷ്  എന്നിവർ രക്ഷാധികാരികളായി സംഘാടക സമിതി രൂപീകരിച്ചു.

ജില്ലാ കലക്ടർ എസ് ചന്ദ്രശേഖർ (ചെയർമാൻ) വി പി കിരൺ (ജനറൽ കൺവീനർ) കെ എം ബാലചന്ദ്രൻ (ട്രഷറർ) എന്നിവരാണ് സംഘാടക സമിതി ഭാരവാഹികൾ. വിവിധ ഉപസമിതികളും രുപീകരിച്ചു.

പുഷ്പമേള, കാർഷിക സെമിനാറുകൾ, ചർച്ചകൾ: കാർഷിക മത്സരങ്ങൾ, മൂല്യവർധിത ഉൽപ്പന്നങ്ങളുടെ പ്രദർശനങ്ങൾ, ഗാനോത്സവം, ന്യത്തോത്സവം തുടങ്ങി വിവിധ പരിപാടികൾ പുഷ്പോൽസവത്തിന്റെ ഭാഗമായി നടത്തും.

വൈദ്യുതി മുടങ്ങും
പാനൂർ ഇലക്ട്രിക്കൽ സെക്ഷനിലെ 110 കെ വി പാനൂർ സബ് സ്റ്റേഷൻ, 110 കെ വി മാഹി സബ് സ്റ്റേഷൻ, 33 കെ വി പുത്തൂർ സബ്‌സ്റ്റേഷൻ, 33 കെ വി കോടിയേരി സബ് സ്റ്റേഷൻ പരിധികളിൽ നവംബർ 26ന് രാവിലെ ഒമ്പത് മണി മുതൽ ഉച്ചക്ക് രണ്ട് വരെ വൈദ്യുതി മുടങ്ങും.

ചന്ത്രോത്ത് മുക്ക്,കുണ്ടുകുളം ട്രാൻസ്ഫോർമർ പരിധിയിൽ നവംബർ 26ന് രാവിലെ ഏഴ് മണി മുതൽ വൈകിട്ട് മൂന്ന് വരെ വൈദ്യുതി ഭാഗികമായി മുടങ്ങും.

മാതമംഗലം ഇലക്ട്രിക്കൽ സെക്ഷനിലെ കണ്ണാടി പൊയിൽ, ചട്ട്യോൾ, പുതിയവയൽ, ഓലയമ്പാടി, പെരിന്തട്ട സെൻട്രൽ, കുഴിക്കാട്, ഡ്രീംസ്, കോടന്നൂർ ട്രാൻസ്‌ഫോർമർ പരിധിയിൽ നവംബർ 26ന് രാവിലെ 10 മണി മുതൽ വൈകിട്ട് അഞ്ച് വരെയും ഹാപ്പി ക്രഷർ, വിശ്വാസ് ക്രഷർ, ക്ലാസ്സിക് എഞ്ചിനീയറിഗ്, സതെൺ അസോസിയേറ്റ്, ഗോൾഡൻ റോക്ക് ട്രാൻസ്‌ഫോർമർ പരിധിയിൽ രാവിലെ എട്ട് മണി മുതൽ 10 വരെയും വൈദ്യുതി മുടങ്ങും.

അഴീക്കോട് ഇലക്ട്രിക്കൽ സെക്ഷനിലെ കക്കം പാലം, ഭാരത് പ്ലൈവുഡ്, വൽസൻ കട, സി പി ടിമ്പർ, പി സി കെ ബോർഡ് ഒന്ന്, രണ്ട്, മൂന്ന്, ക്യു മാക്സ്, എ സി വുഡ്, സഗാർവുഡ്, സെറ ബോർഡ്, കെ എസ് കെ, ഹീറോ ബോർഡ്, എ സി വുഡ് 2, സിൻസിയർ വുഡ് എന്നീ ട്രാൻസ്‌ഫോർമർ പരിധിയിൽ നവംബർ 26ന് രാവിലെ എട്ട് മണി മുതൽ വൈകിട്ട് മൂന്ന് വരെ വൈദ്യുതി ഭാഗികമായി മുടങ്ങും.

ഏച്ചൂർ ഇലക്ട്രിക്കൽ സെക്ഷനിലെ കുടുക്കിമെട്ട, ചൈത്രപുരം, മുണ്ടേരി പഞ്ചായത്ത്, ശിവശക്തി, സ്വദേശ് ,കമാൽ പീടിക എന്നീ ട്രാൻസ്‌ഫോർമർ പരിധികളിൽ നവംബർ 26ന് രാവിലെ എട്ട് മുതൽ ഉച്ചക്ക് രണ്ട് വരെ വൈദ്യുതി മുടങ്ങും.

ചക്കരക്കൽ ഇലക്ട്രിക്കൽ സെക്ഷനിലെ പള്ളിക്കണ്ടി, പള്ളിക്കണ്ടിപ്പള്ളി, വണ്ണാൻകണ്ടി പ്പള്ളി, പാനേരിച്ചാൽ എന്നീ ട്രാൻസ്‌ഫോർമർ പരിധിയിൽ നവംബർ 26ന് രാവിലെ ഒമ്പത് മണി മുതൽ വൈകിട്ട് 5.30 വരെ വൈദ്യുതി മുടങ്ങും.

കണ്ണൂർ ഇലക്ട്രിക്കൽ സെക്ഷനിലെ സബ് രജിസ്ട്രാർ ഓഫീസ് റോഡ്, ശിക്ഷക് സദൻ, സൂര്യസിൽക്സ്, റബ്‌കോ, അശോക ഹോസ്പിറ്റൽ, എം ജെ ഹോസ്റ്റൽ ഭാഗങ്ങളിൽ നവംബർ 26ന് രാവിലെ ഒമ്പത് മണി മുതൽ 11 മണി വരെ വൈദ്യുതി മുടങ്ങും.

ശ്രീകണ്ഠാപുരം ഇലക്ട്രിക്കൽ സെക്ഷനിലെ ചുണ്ടക്കുന്ന് ഭാഗങ്ങളിൽ നവംബർ 26ന് രാവിലെ ഒമ്പത് മണി മുതൽ വൈകിട്ട് അഞ്ച് മണി വരെ വൈദ്യുതി മുടങ്ങും.