ജില്ലാ കേരളോത്സവം: കലാ മത്സരങ്ങൾ ഡിസം. 9 മുതൽ മുഴപ്പിലങ്ങാട്ട്
November 22 | 05:41 AM
ജില്ലാ കേരളോത്സവം: കലാ മത്സരങ്ങൾ ഡിസം. 9 മുതൽ മുഴപ്പിലങ്ങാട്ട്
സംസ്ഥാന യുവജനക്ഷേമ ബോർഡ് സംഘടിപ്പിക്കുന്ന ജില്ലാ കേരളോത്സവത്തിന്റെ കലാ മത്സരങ്ങൾ ഡിസംബർ ഒമ്പതു മുതൽ 11 വരെ മുഴപ്പിലങ്ങാട്ട് നടക്കും. ഒമ്പത്, 11 തീയ്യതികളിൽ ഉദ്ഘാടന, സമാപന സമ്മേളനങ്ങൾ മുഴപ്പിലങ്ങാട് ബീച്ചിലാണ്. കലാപരിപാടികൾക്ക് മുഴപ്പിലങ്ങാട് എച്ച് എസ് എസ്, മഠം എൽ പി സ്കൂൾ, എം യു പി സ്കൂൾ, മുഴപ്പിലങ്ങാട് ശ്രീകൂർമ്പാ ഭഗവതി ക്ഷേത്രം എന്നിവിടങ്ങൾ വേദിയാകും. കായിക മത്സരങ്ങൾ ഡിസംബർ ആറുമുതൽ തുടങ്ങും. അത് ലറ്റിക്സ് മീറ്റിന് മാങ്ങാട്ടുപറമ്പ്, ക്രിക്കറ്റ് തലശ്ശേരി, വോളിബോൾ പാണപ്പുഴ, ആർച്ചറി പേരാവൂർ, കബഡി കതിരൂർ, കളരിപ്പയറ്റ്, നീന്തൽ എന്നിവയ്ക്ക് പിണറായി എന്നിവിടങ്ങളും വേദിയാകും. പരിപാടിയുടെ വിജയത്തിനായി 501 അംഗ സ്വാഗത സംഘ കമ്മിറ്റി രൂപീകരിച്ചു.
മുഴപ്പിലങ്ങാട് കമ്യൂണിറ്റി ഹാളിൽ നടന്ന യോഗം രാമചന്ദ്രൻ കടന്നപ്പള്ളി എം എൽ എ ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡണ്ട് അഡ്വ. ബിനോയ് കുര്യൻ അധ്യക്ഷത വഹിച്ചു. ജില്ലാ യൂത്ത് പ്രോഗ്രാം ഓഫീസർ കെ പ്രസീത പദ്ധതി വിശദീകരിച്ചു. തലശ്ശേരി നഗരസഭ ചെയർപേഴ്സൺ ജമുനാ റാണി, ബ്ലോക്ക് പഞ്ചായത്ത് പ്രസിഡണ്ടുമാരായ സി പി അനിത, പി കെ പ്രമീള, പഞ്ചായത്ത് പ്രസിഡണ്ടുമാരായ ടി സജിത, കെ പ്രേമവല്ലി, എ വി ഷീബ, സംസ്ഥാന യുവജന ക്ഷേമ ബോർഡ് അംഗം വി കെ സനോജ്, ജില്ലാ പഞ്ചായത്ത് സ്ഥിരം സമിതി അധ്യക്ഷരായ വി കെ സുരേഷ് ബാബു, യു പി ശോഭ, അഡ്വ. ടി സരള, കെ കെ രത്നകുമാരി, ജില്ലാ പഞ്ചായത്ത് അംഗം കെ വി ബിജു, യുവജന ക്ഷേമ ബോർഡ് ജില്ലാ കോഓർഡിനേറ്റർ സരിൻ ശശി, ജില്ലാ പഞ്ചായത്ത് സെക്രട്ടറി ഇൻ ചാർജ് ഇ എൻ സതീഷ് ബാബു എന്നിവർ സംസാരിച്ചു.
സ്വാഗതസംഘം ഭാരവാഹികൾ: മുഖ്യമന്ത്രി പിണറായി വിജയൻ, ജില്ലയിലെ എംപിമാർ, എംഎൽഎമാർ (രക്ഷാധികാരികൾ). ജില്ലാ പഞ്ചായത്ത് പ്രസിഡണ്ട് പി പി ദിവ്യ (ചെയർപേഴ്സൺ), കെ കെ രത്നകുമാരി, കെ വി ബിജു (വർക്കിങ് ചെയർമാൻമാർ), ഇ എൻ സതീഷ് ബാബു (ജനറൽ കൺവീനർ) തുടങ്ങിയ 501 അംഗ കമ്മിറ്റി ഭാരവാഹികളെയാണ് തെരഞ്ഞെടുത്തത്.
കരട് വോട്ടർ പട്ടിക പ്രസിദ്ധീകരിച്ചു
സ്പെഷൽ സമ്മറി റിവിഷൻ 2023 മായി ബന്ധപ്പെട്ട് കരട് വോട്ടർ പട്ടിക പ്രസിദ്ധീകരിച്ചു. കണ്ണൂർ താലൂക്ക് പരിധിയിലെ കല്ല്യാശ്ശേരി, അഴീക്കോട്, കണ്ണൂർ, ധർമ്മടം മണ്ഡലങ്ങളിലെ പട്ടിക പരിശോധനയുമായി ബന്ധപ്പെട്ട് ബൂത്ത് ലെവൽ ഓഫീസർമാർ നവംബർ 23, 24, 25 തീയതികളിൽ ഭവന സന്ദർശനം നടത്തും. ഈ ദിവസങ്ങളിൽ നേരിട്ടോ മറ്റുള്ളവർ മുഖേനയോ റേഷൻ കാർഡ്, ആധാർ കാർഡ്, ഇലക്ഷൻ ഐ ഡി കാർഡ് എന്നീ രേഖകൾ ബൂത്ത് ലെവൽ ഓഫീസർമാർ മുമ്പാകെ ഹാജരാക്കണമെന്ന് കണ്ണൂർ തഹസിൽദാർ അറിയിച്ചു.
പി ജി ഡിപ്ലോമ, സർട്ടിഫിക്കറ്റ് കോഴ്സുകൾ
വാസ്തുവിദ്യാ ഗുരുകുലത്തിൽ ട്രഡീഷണൽ ആർക്കിടെക്ചർ പി ജി ഡിപ്ലോമ കോഴ്സിലേക്കും ട്രഡീഷണൽ ആർക്കിടെക്ചർ, ചുമർ ചിത്രകല സർട്ടിഫിക്കറ്റ് കോഴ്സുകളിലേക്കും അപേക്ഷ ക്ഷണിച്ചു. കാലാവധി ഒരു വർഷം. യോഗ്യത: പി ജി ഡിപ്ലോമക്ക് ബിടെക് സിവിൽ എൻജീനിയറിംഗ്, ആർക്കിടെക്ചർ. സർട്ടിഫിക്കറ്റ് കോഴ്സുകൾക്ക് എസ് എസ് എൽ സി. താൽപര്യമുള്ളവർ എക്സിക്യുട്ടീവ് ഡയറക്ടർ, വാസ്തുവിദ്യാ ഗുരുകുലം, ആറന്മുള, പത്തനംതിട്ട, പിൻ 689533 എന്ന വിലാസത്തിലോ www.vasthuvidyagurukulam.com എന്ന വെബ്സൈറ്റിലോ ഡിസംബർ ഒന്നിനകം അപേക്ഷ സമർപ്പിക്കണം. ഫോൺ: 0468-2319740, 9847053294, 9947739442.
സൈബർ കുറ്റകൃത്യം: സിമ്പോസിയം 24ന്
വർധിച്ചുവരുന്ന സൈബർ കുറ്റകൃത്യങ്ങളെ പ്രതിരോധിക്കാൻ തലശ്ശേരി പൊലീസ് സബ് ഡിവിഷന്റെ നേതൃത്വത്തിൽ പൊതുജനങ്ങൾക്ക് 'ഡിഫൻഡർ 2022' സിമ്പോസിയം സംഘടിപ്പിക്കുന്നു. നവംബർ 24ന് രാവിലെ 10 മണിക്ക് തലശ്ശേരി സംഗമം കോൺഫറൻസ് ഹാളിലാണ് പരിപാടി. ഫോൺ: 0490 2323350.
സീറ്റൊഴിവ്
തോട്ടട ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ്ങിൽ ദ്വിവൽസര ഫാഷൻ ഡിസൈനിങ് ആൻഡ് ഗാർമൻസ് ടെക്നോളജി കോഴ്സിലേക്ക് തത്സമയ പ്രവേശനം നടത്തുന്നു. ഓൺലൈൻ രജിസ്റ്റർ ചെയ്ത അപേക്ഷകർ നവംബർ 25ന് രാവിലെ 10 മണിക്ക് ഓഫീസിൽ ഹാജരാകണം. ഫോൺ: 9946521962, 0497 2835260.
വനിതാ കമ്മീഷൻ അദാലത്ത്
വനിതാ കമ്മീഷൻ മെഗാ അദാലത്ത് നവംബർ 24ന് രാവിലെ 10 മണി മുതൽ കലക്ടറേറ്റ് കോൺഫറൻസ് ഹാളിൽ നടക്കും.
ലേലം
തലശ്ശേരി ഗവ. ബ്രണ്ണൻ കോളേജ് ക്യാമ്പസിനകത്തെ മുറിച്ചു മാറ്റിയ മഴമര തടികൾ ഡിസംബർ ഒന്നിന് രാവിലെ 11 മണിക്ക് ലേലം ചെയ്യും. ഫോൺ: 0490 2346027.
എം ടെക്: തത്സമയ പ്രവേശനം
കണ്ണൂർ ഗവ.എഞ്ചിനീയറിങ് കോളേജിൽ എം ടെക് ഒന്നാംവർഷ എഞ്ചിനീയറിങ് കോഴ്സിൽ ഒഴിവുള്ള ബ്രാഞ്ചുകളിൽ നവംബർ 22ന് തത്സമയ പ്രവേശനം നടത്തും. താൽപര്യമുള്ളവർ രാവിലെ 11 മണിക്ക് മുമ്പ് രജിസ്റ്റർ ചെയ്ത് കോളേജ് ഓഫീസിൽ ഹാജരാകണം. ഫോൺ: 0497 2780226. വെബ്സൈറ്റ്: www.gcek.ac.in
എരുമ പരിപാലനത്തിൽ പരിശീലനം
കണ്ണൂർ മൃഗസംരക്ഷണ പരിശീലന കേന്ദ്രത്തിൽ നവംബർ 29ന് എരുമ പരിപാലനത്തിൽ പരിശീലനം നൽകുന്നു. താൽപര്യമുള്ള കണ്ണൂർ, കാസർകോട്, കോഴിക്കോട് ജില്ലകളിലെ കർഷകർ നവംബർ 28നകം 0497 2763473 എന്ന നമ്പറിൽ പേര് രജിസ്റ്റർ ചെയ്യണം.
ക്വട്ടേഷൻ
കേരള സോളിഡ് വേസ്റ്റ് മാനേജ്മെന്റ് പ്രൊജക്ട് കണ്ണൂർ ഓഫീസിനായി 1200 സി സിക്ക് മുകളിലുള്ള 2020 മോഡൽ ടൂറിസ്റ്റ് പെർമിറ്റുള്ള വാഹനം ആവശ്യമുണ്ട്. ഡിസംബർ ആറിന് വൈകീട്ട് അഞ്ച് മണിക്കകം ജില്ലാ ഡവലപ്മെന്റ് കമ്മീഷണർ, നാലാം നില, പ്ലാനിംഗ് സെക്രട്ടറിയേറ്റ്, സിവിൽ സ്റ്റേഷൻ, കണ്ണൂർ എന്ന വിലാസത്തിൽ ക്വട്ടേഷൻ സമർപ്പിക്കണം.
ടെണ്ടർ
2022 ഡിസംബർ ഒന്നു മുതൽ 2023 ഫെബ്രുവരി 13 വരെ കണ്ണൂർ പൊലീസ് മൈതാനിയിൽ നടത്തുന്ന വാണിജ്യമേളയിൽ പങ്കെടുക്കാൻ താൽപര്യമുള്ള വ്യക്തികൾ/സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. നവംബർ 26ന് വൈകിട്ട് നാല് മണി വരെ ക്വട്ടേഷൻ സ്വീകരിക്കും. ഫോൺ: 0497 2763332.
ജില്ലാ പഞ്ചായത്ത് ഭരണ സമിതി യോഗം
ജില്ലാ പഞ്ചായത്ത് ഭരണ സമിതി യോഗം നവംബർ 26ന് രാവിലെ 11 മണിക്ക് ജില്ലാ പഞ്ചായത്ത് ഹാളിൽ ചേരും.
വൈദ്യുതി മുടങ്ങും
മാതമംഗലം ഇലക്ട്രിക്കൽ സെക്ഷനിലെ പേരൂൽ സ്കൂൾ, വരിക്കച്ചാൽ, പേരൂൽ ടവർ, പുല്ലുപാറ ഖാദി ട്രാൻസ്ഫോർമർ പരിധികളിൽ നവംബർ 22ന് രാവിലെ എട്ട് മണി മുതൽ ഉച്ചക്ക് രണ്ട് വരെ വൈദ്യുതി മുടങ്ങും.
പാടിയോട്ടുചാല് ഇലക്ട്രിക്കല് സെക്ഷനിലെ കുണ്ടുവാടി ,തൊള്ളത്തുവയല് ട്രാന്സ്ഫോമര് പരിധിയില് നവംബര് 22ന് രാവിലെ എട്ട് മണി മുതല് വൈകിട്ട് അഞ്ച് വരെ വൈദ്യുതി മുടങ്ങും.
നവംബർ 26, 27 തീയ്യതികളിൽ തളിപ്പറമ്പിൽ സ്റ്റാർട്ടപ്പ് ശില്പശാല
തളിപ്പറമ്പ് നിയോജക മണ്ഡലത്തിലെ യുവ സംരംഭകർക്കായി സംരംഭകത്വത്തിന്റെ നൂതന സാധ്യതകളും പ്രവണതകളും മനസിലാക്കുന്നതിനായി സ്റ്റാർട്ടപ്പ് ശില്പശാല സംഘടിപ്പിക്കുന്നു. നവംബർ 26, 27 തീയ്യതികളിൽ സംഘടിപ്പിക്കുന്ന ശില്പശാല 26ന് വൈകീട്ട് നാലിന് തദ്ദേശസ്വയംഭരണ, എക്സെെസ് വകുപ്പ് മന്ത്രി എം ബി രാജേഷ് ഉദ്ഘാടനം ചെയ്യും. എം വി ഗോവിന്ദൻമാസ്റ്റർ എംഎൽഎ അദ്ധ്യക്ഷനാവും. കുടുംബശ്രീ എക്സിക്യുട്ടീവ് ഡയറക്ടർ ജാഫർ മാലിക് മുഖ്യപ്രഭാഷണം നടത്തും.
അഭ്യസ്ത വിദ്യരായ യുവതികളെ സംരംഭകത്വത്തിലേക്ക് നയിക്കുക, തൊഴിൽ മേഖലകൾ സൃഷ്ടിക്കുക, സാമ്പത്തിക സ്വാശ്രയത്വത്തിലേക്ക് എത്തിക്കുക തുടങ്ങിയവയാണ് വർക്ക്ഷോപ്പിന്റെ ലക്ഷ്യം.18 വയസ്സിനും 40 വയസ്സിനും ഇടയിലുള്ളവർക്കാണ് ശില്പശാല. കൂടുതൽ വിവരങ്ങൾക്ക്: 86063 86287, 82813 74550.