November 4 | 04:51 AM

അരിവില നിയന്ത്രിക്കാൻ സപ്ലൈകോ അരി വണ്ടി
പൊതുവിപണിയിലെ അരി വില നിയന്ത്രിക്കുന്നതിന്റെ ഭാഗമായി സപ്ലൈകോയുടെ അരി വണ്ടി കണ്ണൂർ താലൂക്കിലെ വിവിധ സ്ഥലങ്ങളിൽ അരി വിൽപന നടത്തി. കലക്ടറേറ്റ് പരിസരത്ത് മേയർ അഡ്വ.ടി ഒ മോഹനൻ ഫ്‌ളാഗ് ഓഫ് ചെയ്തു. നവംബർ നാലിന് രാവിലെ 8.30ന് മുണ്ടേരി മൊട്ട, 11 മണിക്ക് തിലാനൂർ, ഉച്ചക്ക് 1.30ന് ആനയിടുക്ക്, മൂന്ന് മണിക്ക് കിഴുന്നപ്പാറ, അഞ്ച് മണിക്ക് എന്നിവിടങ്ങളിലെത്തും.  റേഷൻ കാർഡ് ഒന്നിന് പരമാവധി 10 കിലോ അരി സബ്‌സിഡി നിരക്കിൽ നൽകും. മട്ട അരി 24 രൂപ, കുറുവ അരി 25 രൂപ, പച്ചരി 23 രൂപ, ജയ അരി 25 രൂപ എന്നിവയാണ് ലഭിക്കുക. സബ്‌സിഡി സാധനങ്ങളും ഇതോടൊപ്പം കാർഡുടമകൾക്ക് വാങ്ങിക്കാം.

മലയാള ദിനാഘോഷം, ഭരണാഭാഷ വാരാഘോഷം: സമാപന പരിപാടി അഞ്ചിന്
ജില്ലാ ഇന്‍ഫര്‍മേഷന്‍ ഓഫീസ് ജില്ലാ ഭരണകൂടവുമായി സഹകരിച്ച് നടത്തുന്ന മലയാള ദിനാഘോഷം, ഭരണാഭാഷ വാരാഘോഷത്തിന്റെ സമാപന സമ്മേളനവും സമ്മാനദാനവും നവംബര്‍ അഞ്ചിന് വൈകീട്ട് മൂന്നിന് നടക്കും. കലക്ട്രേറ്റ് ആംഫി തീയറ്ററില്‍  ടി പത്മനാഭന്‍ ഉദ്ഘാടനം ചെയ്യും. ജില്ലാ കലക്ടര്‍ എസ് ചന്ദ്രശേഖര്‍ അധ്യക്ഷനാവും. ജീവനക്കാര്‍ക്കും അധ്യാപകര്‍ക്കും സംഘടിപ്പിച്ച വിവിധ മത്സര വിജയികള്‍ക്കുള്ള സമ്മാനദാനവും ഗാന്ധിജയന്തി വാരാഘോഷത്തിന്റെ ഭാഗമായി വിദ്യാര്‍ഥികള്‍ക്ക് സംഘടിപ്പിച്ച ഇ പോസ്റ്റര്‍ നിര്‍മാണ വിജയികള്‍ക്കുള്ള സമ്മാനദാനവും നടത്തും.

ഗസ്റ്റ് ലക്ചറർ ഒഴിവ്
പെരിങ്ങോം ഗവ. കോളേജിൽ ഈ അധ്യയന വർഷത്തേക്ക് ഫിസിക്‌സ് വിഷയത്തിൽ ഗസ്റ്റ് ലക്ചററെ നിയമിക്കുന്നതിനുള്ള ഇന്റർവ്യൂ നവംബർ ഏഴിന് രാവിലെ 11 മണിക്ക് കോളേജിൽ നടക്കും. കോഴിക്കോട് കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടർ പ്രസിദ്ധീകരിച്ച പാനലിൽ ഉൾപ്പെട്ട ഉദ്യോഗാർഥികൾ ബയോഡാറ്റയും യോഗ്യത തെളിയിക്കുന്ന അസൽ സർട്ടിഫിക്കറ്റുകളും സഹിതം പ്രിൻസിപ്പൽ മുമ്പാകെ ഇന്റർവ്യൂവിന് ഹാജരാകണം. നെറ്റ് യോഗ്യത ഉള്ളവരുടെ അഭാവത്തിൽ നെറ്റ്  ഇല്ലാത്തവരെയും പരിഗണിക്കും. ഫോൺ: 04985 295440, 8304816712. ഇമെയിൽ: govtcollegepnr@gmail.com

പി എസ് സി വിജ്ഞാപനം റദ്ദാക്കി
ജില്ലയിൽ പൊതു വിദ്യാഭ്യാസ വകുപ്പിൽ പാർട്ട് ടൈം ഹൈസ്‌കൂൾ ടീച്ചർ അറബിക് (9 എൻ സി എ-എസ് ടി-234/2022)തസ്തികയിലേക്ക് 2022 ജൂൺ 15ലെ ഗസറ്റ് വിജ്ഞാപന പ്രകാരം യോഗ്യരായ ഉദ്യോഗാർഥികൾ  ഇല്ലാത്തതിനാൽ  വിജ്ഞാപന പ്രകാരമുള്ള തെരെഞ്ഞെടുപ്പ് നടപടികൾ റദ്ദാക്കിയതായി ജില്ലാ പി എസ് സി ഓഫീസർ അറിയിച്ചു.

വാഹന ഗതാഗതം നിരോധിച്ചു
നവീകരണ പ്രവൃത്തി നടക്കുന്നതിനാൽ ഹാജി റോഡ്-അയ്യപ്പൻകാവ് റോഡിലെ വാഹന ഗതാഗതം നവംബർ 23 വരെ പൂർണമായും നിരോധിച്ചു. ആറളത്ത് നിന്നും ഇരിട്ടി ഭാഗത്തേക്ക് പോകുന്നതും വരുന്നതുമായ വാഹനങ്ങൾ മലയോര ഹൈവെ എടൂർ, ജബ്ബാർക്കടവ്, പാലപ്പുഴ എന്നീ വഴികളിലൂടെ പോകേണ്ടതാണെന്ന് കണ്ണൂർ പൊതുമരാമത്ത് നിരത്തുകൾ വിഭാഗം എക്‌സിക്യൂട്ടീവ് എഞ്ചിനീയർ അറിയിച്ചു.

ജനകീയ മത്സ്യകൃഷി പദ്ധതി: അപേക്ഷിക്കാം
ഫിഷറീസ് വകുപ്പ് ജില്ലാ ഓഫീസ് മുഖേന നടപ്പാക്കുന്ന ജനകീയ മത്സ്യകൃഷി പദ്ധതിയുടെ ഭാഗമായുളള സെമി ഇന്റന്‍സീവ് മത്സ്യകൃഷി-അനബാസ്, ബയോഫ്ളോക്ക് മത്സ്യകൃഷി-തിലാപ്പിയ, വനാമി, കൂട് കൃഷി -മറൈന്‍ഫിഷ്, കുളങ്ങളിലെ പൂമീന്‍, വരാല്‍ വിത്തുല്‍പാദന യൂണിറ്റ്, കരിമീന്‍ വിത്തുല്‍പാദന യൂണിറ്റ് എന്നീ ഘടക പദ്ധതികളിലേക്ക് ക്ലസ്റ്റര്‍ തലത്തില്‍ 2022-23 വര്‍ഷത്തേക്ക് അപേക്ഷ ക്ഷണിച്ചു. കണ്ണൂര്‍, കൂത്തുപറമ്പ് എന്നീ ക്ലസ്റ്ററുകളിലുള്ളവര്‍ കണ്ണൂര്‍ മത്സ്യ ഭവന്‍ ഓഫീസിലും തലശ്ശേരി, ഇരിട്ടി ക്ലസ്റ്ററുകളിലുള്ളവര്‍ തലശ്ശേരി മത്സ്യ ഭവന്‍ ഓഫീസിലും അഴീക്കോട് ക്ലസ്റ്ററിലുള്ളവര്‍ അഴീക്കോട് മത്സ്യ ഭവന്‍ ഓഫീസിലും, തളിപ്പറമ്പ, മാടായി ക്ലസ്റ്ററുകളിലുള്ളവര്‍ മാടായി മത്സ്യ ഭവന്‍ ഓഫീസിലും അപേക്ഷ നല്‍കണം. അവസാന തീയതി നവംബര്‍ 15. ഫോണ്‍: 0497 2732340.

തത്സമയ പ്രവേശനം
തോട്ടട ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ്ങിലേക്കുള്ള തത്സമയ പ്രവേശനം നവംബര്‍ എട്ടിന് രാവിലെ 9.30 മുതല്‍ തോട്ടട ടെക്നിക്കല്‍ ഹൈസ്‌കൂളില്‍ നടക്കും. അപേക്ഷകര്‍ രാവിലെ 9.30 മുതല്‍ രജിസ്റ്റര്‍ ചെയ്യണം. ഫോണ്‍: 04972 835260, 9400006494. വെബ്‌സൈറ്റ് : www.polyadmission.org/gifd

താലൂക്ക് വികസന സമിതി യോഗം
കണ്ണൂര്‍ താലൂക്ക് വികസന സമിതി യോഗം നവംബര്‍ അഞ്ചിന് രാവിലെ 11 മണിക്ക് താലൂക്ക് ഓഫീസ് കോണ്‍ഫറന്‍സ് ഹാളില്‍ ചേരും.

അപേക്ഷ ക്ഷണിച്ചു
കെല്‍ട്രോണിന്റെ തളിപ്പറമ്പ് നോളജ് സെന്ററില്‍ തുടങ്ങുന്ന വിവിധ കോഴ്സുകളിലേക്ക് അപേക്ഷ ക്ഷണിച്ചു. അഡ്വാന്‍സ്ഡ് ഡിപ്ലോമ ഇന്‍ ഗ്രാഫിക്സ് വെബ് ആന്‍ഡ് ഡിജിറ്റല്‍ ഫിലിം മേക്കിങ്, ഡിപ്ലോമ ഇന്‍ കമ്പ്യൂട്ടര്‍ ഹാര്‍ഡ്വെയര്‍ ആന്റ് നെറ്റ്വര്‍ക്ക് മെയ്ന്റനന്‍സ് വിത്ത് ഇ ഗാഡ്ജറ്റ് ടെക്നോളജി, ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ എന്നീ കോഴ്സുകളിലേക്കും സര്‍ട്ടിഫിക്കറ്റ് കോഴ്സുകളായ ഗ്രാഫിക് ഡിസൈനിങ്, വെബ് ഡിസൈനിങ്, വീഡിയോ ആന്റ് ഓഡിയോ എഡിറ്റിങ്, 2 ഡി, 3ഡി അനിമേഷന്‍, വേഡ് പ്രൊസസിങ് ആന്റ് ഡാറ്റ എന്‍ട്രി എന്നിവയിലേക്കുമാണ് അപേക്ഷ ക്ഷണിച്ചത്. താല്‍പര്യമുള്ളവര്‍ തളിപ്പറമ്പ് നഗരസഭ ബസ് സ്റ്റാന്റ് കോംപ്ലക്സിലെ നോളജ് സെന്ററുമായി ബന്ധപ്പെടുക. ഫോണ്‍: 9847915099, 0460 2205474.

പത്താമുദയം പരിശീലനം നാലിന്
ജില്ലാ പഞ്ചായത്ത്, തദ്ദേശ സ്വയംഭരണ സ്ഥാപനങ്ങള്‍, സാക്ഷരതാ മിഷന്‍ എന്നിവ സംയുക്തമായി സംഘടിപ്പിക്കുന്ന പത്താമുദയം സമ്പൂര്‍ണ്ണ സെക്കണ്ടറി വിദ്യാഭ്യാസ പദ്ധതിയുടെ പരിശീലനം നവംബര്‍ നാലിന് രാവിലെ 10.30ന് ജില്ലാ പഞ്ചായത്ത് ഓഡിറ്റോറിയത്തില്‍ നടക്കും

ലേലം
എല്‍ എസ് ജി ഡി കുടിശിക ഈടാക്കുന്നതിനായി ജപ്തി ചെയ്ത കെ എല്‍ 13 ഡബ്ല്യു/2885 നമ്പര്‍ ജെ സി ബി നവംബര്‍ 28ന് രാവിലെ 11 മണിക്ക് കണ്ണപുരം വില്ലേജ് ഓഫീസില്‍ ലേലം ചെയ്യും. കൂടുതല്‍ വിവരങ്ങള്‍ കണ്ണൂര്‍ താലൂക്ക് ഓഫീസിലും കണ്ണപുരം വില്ലേജ് ഓഫീസിലും ലഭിക്കും.

ക്വട്ടേഷന്‍
മട്ടന്നൂര്‍ ഗവ.പോളിടെക്നിക് കോളേജ് കെട്ടിടത്തിനും സമീപത്തെ വീടിനും ഭീഷണിയായ മരങ്ങള്‍ മുറിച്ചെടുക്കാന്‍ ക്വട്ടേഷന്‍ ക്ഷണിച്ചു. നവംബര്‍ 14ന് രാവിലെ 11 മണി വരെ ക്വട്ടേഷന്‍ സ്വീകരിക്കും. ഫോണ്‍: 0490 2471530.

വൈദ്യുതി മുടങ്ങും
ധർമ്മശാല ഇലകട്രിക്കൽ സെക്ഷനിലെ ധർമ്മശാല, വെളിയമ്പ്ര, ബി എഡ് കോളേജ്, കെ ടി ഡി സി, മന്ന, ആർ ഡബ്ല്യു എസ് എസ് എന്നീ ട്രാൻസ്ഫോർമർ പരിധിയിൽ നവംബർ നാല് വെള്ളി രാവിലെ ഒമ്പത് മുതൽ വൈകിട്ട് അഞ്ച് മണി വരെ വൈദ്യുതി മുടങ്ങും.
തയ്യിൽ ഇലകട്രിക്കൽ സെക്ഷനിലെ വട്ടക്കുളം, കടലായി വാട്ടർ ടാങ്ക്, കടലായി കോളനി, കടലായി ടെമ്പിൾ, ആശാരിക്കാവ്, ലീഡർസ് കോളേജ് എന്നീ ട്രാൻസ്ഫോർമർ പരിധിയിൽ നവംബർ നാല് വെള്ളി രാവിലെ ഒമ്പത് മുതൽ ഉച്ചക്ക് രണ്ട് മണി വരെ വൈദ്യുതി മുടങ്ങും.
കാടാച്ചിറ ഇലക്ട്രിക്കൽ സെക്ഷനിലെ ആനപ്പാലം, കിഴക്കും ഭാഗം, മഠത്തിൽ വായനശാല എന്നീ ട്രാൻസ്ഫോർമർ പരിധിയിൽ നവംബർ നാല് വെള്ളി രാവിലെ ഒമ്പത് മുതൽ വൈകിട്ട് മൂന്ന് മണി വരെയും കീഴ്ത്തള്ളി ഗോൾഡൻ വർക്ക് ഷോപ്പ് ട്രാൻസ്ഫോർമർ പരിധിയിൽ രാവിലെ ഏഴ് മണി മുതൽ 8.30 വരെയും കിഴക്കേക്കര ട്രാൻസ്ഫോർമർ പരിധിയിൽ രാവിലെ 8.30 മുതൽ ഉച്ചക്ക് 12 മണി വരെയും പൊലീസ് കോളനി ട്രാൻസ്ഫോർമർ പരിധിയിൽ ഉച്ചക്ക് 12 മണി മുതൽ 2.30 വരെയും ഭാഗികമായി വൈദ്യുതി മുടങ്ങും.
വെള്ളൂർ ഇലകട്രിക്കൽ സെക്ഷനിലെ വലിയചാൽ, താഴെകുറുന്ത്, കുണ്ടയം കൊവ്വൽ, സിയോൺ, ഗ്രേസ് ഫർണിച്ചർ, വൈപ്പിരിയം, ചൈതന്യ, പയ്യന്നൂർ പ്ലാന്റേഷൻ എന്നീ ട്രാൻസ്ഫോർമർ പരിധിയിൽ നവംബർ നാല് വെള്ളി രാവിലെ ഒമ്പത് മുതൽ വൈകിട്ട് അഞ്ച് മണി വരെ വൈദ്യുതി മുടങ്ങും.
മാടായി ഇലക്ട്രിക്കൽ സെക്ഷനിലെ മാട്ടൂൽ അസീസ് ഹോട്ടൽ, ജാറം പള്ളി, ജസീന്തചാൽ എന്നീ ട്രാൻസ്ഫോർമർ പരിധിയിൽ നവംബർ നാല് വെള്ളി രാവിലെ ഒമ്പത് മുതൽ വൈകിട്ട് അഞ്ച് മണി വരെ വൈദ്യുതി മുടങ്ങും.

ഇന്നത്തെ പരിപാടി (04/11/2022)
കണ്ണൂർ ജില്ല പഞ്ചായത്ത്, തദ്ദേശ സ്വയംഭരണ സ്ഥാപനങ്ങൾ, സാക്ഷരതാ മിഷൻ എന്നിവയുടെ നേതൃത്വത്തിൽ പത്താമുദയം സമ്പൂർണ്ണ സെക്കണ്ടറി വിദ്യാഭ്യാസ പരിശീലനം - ജില്ലാ പഞ്ചായത്ത് ഓഡിറ്റോറിയം - രാവിലെ 10.30.

അപേക്ഷ ക്ഷണിച്ചു
കണ്ണൂർ ഗവ.ഐ ടി ഐയിൽ ഐ എം സി നടത്തുന്ന ഹ്രസ്വകാല തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. ഡിപ്ലോമ ഇൻ മൊബൈൽ ഫോൺ ടെക്‌നോളജി ആൻഡ് ടാബ്‌ലറ്റ് എഞ്ചിനീയറിങ് (മൂന്ന് മാസം), സി എൻ സി മെഷിനിസ്റ്റ് (രണ്ട് മാസം), സർട്ടിഫിക്കറ്റ് കോഴ്‌സ് ഇൻ സി സി ടി വി (ഒരു മാസം) എന്നീ കോഴ്‌സുകളിലേക്കാണ് പ്രവേശനം. ഫോൺ: 9745479354.

സേഫ് പദ്ധതിയിലേക്ക് അപേക്ഷിക്കാം
പട്ടികജാതി വിഭാഗക്കാരുടെ ഭവനങ്ങള്‍ സുരക്ഷിതമാക്കാനും അടിസ്ഥാന സൗകര്യം വര്‍ധിപ്പിക്കാനുമായി പട്ടികജാതി വികസന വകുപ്പ് നടപ്പാക്കിവരുന്ന സേഫ് പദ്ധതിയിലേക്ക് അപേക്ഷ ക്ഷണിച്ചു. ഒരു ലക്ഷം രൂപ വാര്‍ഷിക വരുമാനമുള്ള 2010 ഏപ്രില്‍ ഒന്നിനുശേഷം ഭവന പൂര്‍ത്തീകരണം നടത്തിയവര്‍ക്ക് അപേക്ഷിക്കാം. രണ്ട് ലക്ഷം രൂപയാണ് അനുവദിക്കുക.

കഴിഞ്ഞ അഞ്ച് വര്‍ഷത്തിനുളളില്‍ ഭവന നിര്‍മാണത്തിനോ, പുനരുദ്ധാരണത്തിനോ, പൂര്‍ത്തീകരണത്തിനോ ധനസഹായം കൈപ്പറ്റാത്തവരായിരിക്കണം. അപേക്ഷയോടൊപ്പം എസ്റ്റിമേറ്റ് ഹാജരാക്കേണ്ടതില്ല. മേല്‍ക്കൂര പൂര്‍ത്തീകരണം, ടോയ്‌ലറ്റ് നിര്‍മ്മാണം, വാതിലുകളും ജനലുകളും സ്ഥാപിക്കല്‍, അടുക്കള നവീകരണം, ഫ്‌ളോറിങ്, പ്ലാസ്റ്ററിങ്, ഇലക്ട്രിക്കല്‍ വയറിങ്, പ്ലംബിങ് എന്നീ നിര്‍മാണ പ്രവൃത്തികള്‍ക്കാണ് തുക അനുവദിക്കുക. അപേക്ഷ ബന്ധപ്പെട്ട ബ്ലോക്ക് പട്ടികജാതി വികസന ഓഫീസുകളില്‍ നവംബര്‍ അഞ്ചിനകം സമര്‍പ്പിക്കണം. ഫോണ്‍:  9947654005 - എടക്കാട്,  9495900255 - പാനൂര്‍, 9605789459 - കണ്ണൂര്‍, 9744980206 - കല്ല്യാശ്ശേരി, 9605600250 - തളിപ്പറമ്പ്, 9446761940 - ഇരിക്കൂര്‍, 9400477613 - പയ്യന്നൂര്‍, 9605600250 - കണ്ണൂര്‍ കോര്‍പറേഷന്‍.

ഏകദിന ശിൽപശാല 4ന്
സംസ്ഥാന സർക്കാർ എംപ്ലോയ്‌മെന്റ് വകുപ്പ് മുഖേന നടപ്പാക്കുന്ന സ്വയംതൊഴിൽ പദ്ധതികളുടെ ബോധവത്കരണത്തിനായി ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തിൽ ഏകദിന ശിൽപശാല സംഘടിപ്പിക്കുന്നു. നവംബർ നാല് വെള്ളി ഉച്ചക്ക് 2.30ന് കൂടാളി പൊതുജന വായനശാല ഹാളിൽ കൂടാളി ഗ്രാമപഞ്ചായത്ത് പ്രസിഡണ്ട് കെ പി ജലജ ഉദ്ഘാടനം ചെയ്യും. തൊഴിൽ പദ്ധതികളെ കുറിച്ച് എംപ്ലോയ്‌മെന്റ് ഓഫീസർ കെ മുഹമ്മദ് അർഷാദ്, ബാങ്കിംഗ് നടപടികൾ സംബന്ധിച്ച് എഫ് എൽ സി എൻ എൻ ശ്യാം എന്നിവർ ക്ലാസെടുക്കും. വിവിധ സ്വയംതൊഴിൽ പദ്ധതികളുടെ അപേക്ഷാ ഫോറം ശിൽപശാലയിൽ ലഭിക്കും. ഫോൺ: 0497 2700831.

കൊച്ചിൻ ഷിപ് യാർഡിൽ പരിശീലനം
ഐ ടി ഐ കഴിഞ്ഞവർക്ക് കൊച്ചിൻ ഷിപ് യാർഡിൽ പരിശീലനത്തിന് സഹായിക്കുന്ന മറൈൻ സ്ട്രക്ച്ചറൽ ഫിറ്റർ കോഴ്സിലേക്ക് കോഴിക്കോട് ഗവ. പോളിടെക്നിക് കോളേജിൽ പ്രവേശനം തുടങ്ങി. ആറ് മാസത്തെ കോഴ്സിൽ ഐ ടി ഐ ഫിറ്റർ, ഷീറ്റ് മെറ്റൽ, വെൽഡർ അനുബന്ധ കോഴ്സുകൾ പൂർത്തിയാക്കിയവർക്ക് അപേക്ഷിക്കാം. പരിശീലനം ആദ്യ രണ്ട് മാസം കോഴിക്കോട് ഗവ. പോളിടെക്‌നിക്ക് കോളേജിലും തുടർന്നുള്ള നാല് മാസം കൊച്ചിൻ ഷിപ് യാർഡിലുമായിരിക്കും. പരിശീലനം പൂർത്തിയാക്കുന്നവർക്ക് അസാപും കൊച്ചിൻ ഷിപ് യാർഡും നൽകുന്ന സർട്ടിഫിക്കറ്റ് ലഭിക്കും. പ്രായപരിധി 30 വയസ്. ഫോൺ: 9495999710, 9495999787. രജിസ്‌ട്രേഷൻ ലിങ്ക്: https://bit.ly/mariniefitter