പി.എഫ് പെന്ഷന് കേസില് സുപ്രീംകോടതിയുടെ സുപ്രധാന വിധി, 15000 ശമ്പള മേല് പരിധി റദ്ദാക്കി
November 4 | 02:44 PM
ന്യൂഡല്ഹി: തൊഴിലാളികള്ക്ക് ശമ്പളത്തിന് ആനുപാതികമായി പ്രോവിഡന്റ് ഫണ്ട് പെന്ഷന് നല്കണമെന്ന കേരള ഹൈക്കോടതി വിധി ഭാഗികമായി ശരിവച്ച് സുപ്രീം കോടതി ഉത്തരവ്. പെന്ഷന് കണക്കാക്കുന്നതിന് 15,000 രൂപ മാസ ശമ്പളം മേല്പരിധിയായി നിശ്ചയിച്ച കേന്ദ്ര ഉത്തരവ് ചീഫ് ജസ്റ്റിസ് യുയു ലളിതിന്റെ അധ്യക്ഷതയിലുള്ള ബെഞ്ച് റദ്ദാക്കി. അതേസമയം 60 മാസത്തെ ശരാശരി ശമ്പളത്തിന്റെ അടിസ്ഥാനത്തില് പെന്ഷന് കണക്കാക്കാമെന്ന ഉത്തരവ് ശരിവച്ചു.
ശമ്പളത്തിന് ആനുപാതികമായി പിഎഫ് പെന്ഷന് നല്കണമെന്ന് കേരളഹൈക്കോടതി വിധി പുറപ്പെടുവിച്ചിരുന്നു. ഇതിനെതിരെ കേന്ദ്ര തൊഴില് മന്ത്രാലയവും ഇപിഎഫ്ഒയും നല്കിയ ഹര്ജികളിലാണ് സുപ്രീം കോടതിയുടെ സുപ്രധാന വിധി.