തൂക്കുപാലം ദുരന്തം: അപകട സ്ഥലം പ്രധാനമന്ത്രി സന്ദർശിച്ചു
November 1 | 05:33 PM
മോർബി: ഗുജറാത്തിൽ തൂക്കുപാലം തകർന്നു 135 പേർ മരിച്ച മോർബിയിലെ ദുരന്തസ്ഥലം പ്രധാനമന്ത്രി നരേന്ദ്രമോദി സന്ദര്ശിച്ചു. രക്ഷാപ്രവര്ത്തനം തുടരുന്ന മച്ചുനദിക്ക് മുകളില് അദ്ദേഹം വ്യോമനിരീക്ഷണം നടത്തുകയും സ്ഥിതിഗതികള് വിലയിരുത്തുകയും ചെയ്തു. മുഖ്യമന്ത്രി ഭുപേന്ദ്ര പട്ടേലും പ്രധാനമന്ത്രിക്കൊപ്പം ഉണ്ടായിരുന്നു. പരിക്കേറ്റവര് ചികിത്സയില് കഴിയുന്ന ആശുപത്രിയും മോദി സന്ദര്ശിച്ചു.
ഞായറാഴ്ച വൈകുന്നേരം 6.30 നുണ്ടായ അത്യാഹിതത്തിൽ കാണാതായവർക്കായി തെരച്ചിൽ ഇപ്പോഴും തുടരുകയാണ്. ഇനിയും നൂറോളം മൃതദേഹങ്ങള് ചെളിയില് പുതഞ്ഞുകിടക്കുന്നതായാണ് സംശയിക്കുന്നത്.