November 16 | 12:38 PM

ന്യൂഡല്‍ഹി: മുല്ലപ്പെരിയാറിൽ മരം മുറിക്കാൻ അനുമതി തേടി തമിഴ്‌നാട് സുപ്രീംകോടതിയെ സമീപിച്ചു. ബേബി അണക്കെട്ട് ബലപ്പെടുത്തുന്നതിന് 15 മരങ്ങൾ മുറിക്കാൻ അനുമതി നൽകണമെന്നാണ് തമിഴ്നാടിൻ്റെ ആവശ്യം. 2021 നവംബറിൽ നൽകിയ അനുമതി പുനസ്ഥാപിക്കാനും അണക്കെട്ട് ബലപ്പെടുത്തുന്ന നടപടികൾ സമയബന്ധിതമായി പൂർത്തിയാക്കാനും കേരളത്തോട് നിർദേശിക്കണമെന്നും ആവശ്യപ്പെട്ടു. തമിഴ്നാടിന്റെ കൂടുതൽ ബോട്ടുകൾക്ക് പെരിയാർ തടാകത്തിൽ സർവീസ് നടത്താൻ അനുമതി നൽകണമെന്ന ആവശ്യവും കോടതി മുമ്പാകെ തമിഴ്നാട് മുന്നോട്ടുവെച്ചിട്ടുണ്ട്.