ധൈര്യമുണ്ടെങ്കില് രാജ്ഭവനിലേയ്ക്ക് മാര്ച്ച് നടത്തട്ടെ, മുഖ്യമന്ത്രിയെയും സർക്കാരിനെയും വെല്ലുവിളിച്ച് ഗവർണർ
November 7 | 09:39 AM
കൊച്ചി: സര്ക്കാരിനെതിരെ രൂക്ഷ വിമര്ശനവുമായി ഗവര്ണര് ആരിഫ് മുഹമ്മദ് ഖാന്. ഭരണഘടനാ സംവിധാനം തകര്ക്കുന്ന നടപടികള്ക്കാണ് ഭരണപക്ഷം തുടക്കമിട്ടിരിക്കുന്നതെന്ന് ഗവര്ണര് പറഞ്ഞു.
സാങ്കേതിക സര്വകലാശാലയുടെ വിസിയായി താന് നിയമിച്ചയാളെ തടഞ്ഞു. ക്രമസമാധാനം തകര്ക്കാനുള്ള ശ്രമമാണ് നടക്കുന്നത്.
ധൈര്യമുണ്ടെങ്കില് രാജ്ഭവനിലേയ്ക്ക് മാര്ച്ച് നടത്തട്ടെയെന്നും തന്നെ റോഡില് ആക്രമിക്കട്ടെയെന്നും ഗവര്ണര് വെല്ലുവിളിച്ചു. മുഖ്യമന്ത്രി ആരാണെന്ന് തനിക്കറിയില്ലെന്നാണ് അദ്ദേഹത്തിന്റെ പക്ഷം. മുഖ്യമന്ത്രിയെ നന്നായി അറിയാമെന്നും ഗവര്ണര് പ്രതികരിച്ചു.
അതേസമയം തിരുവനന്തപുരം നഗരസഭയിലെ കത്ത് വിവാദത്തിലും ഗവര്ണര് പ്രതികരിച്ചു. മേയര് ആര്യാരാജേന്ദ്രന്റെ കത്തിന് സമാനമായ നിരവധി കത്തുകള് ഇനിയുമുണ്ട്. വൈകാതെ അത് പുറത്തുവരുമെന്നു ഗവര്ണര് ആരോപിച്ചു. ഇതുസംബന്ധിച്ച് തനിക്ക് വിവരം ലഭിച്ചിട്ടുണ്ട്. തിരുവനന്തപുരത്തെത്തിയ ശേഷം ഇക്കാര്യങ്ങള് വിശദമായി പരിശോധിക്കുമെന്നും ഗവര്ണര് പറഞ്ഞു.