മുന്‍ കെപിസിസി ഉപാധ്യക്ഷന്‍ സി.കെ ശ്രീധരന്‍ സിപിഐഎമ്മിൽ ചേരുന്നു
November 15 | 08:42 AM
കാസർഗോഡ്: മുന്‍ കെപിസിസി ഉപാധ്യക്ഷന്‍ സി.കെ ശ്രീധരന്‍ സിപിഐഎമ്മില്‍ ചേരുന്നു. നേതൃത്വത്തിന്റെ നിലപാടില്‍ പ്രതിഷേധിച്ചാണ് ചുവടുമാറ്റം. 47 വര്‍ഷത്തെ കോണ്‍ഗ്രസ് ബന്ധം ഉപേക്ഷിച്ചാണ് സി കെ ശ്രീധരന്‍ സിപിഐഎമ്മിലേക്കെത്തുന്നത്. സിപിഐഎമ്മിന്റെ ഔദ്യോഗിക സ്വീകരണ പരിപാടി കാഞ്ഞങ്ങാട് നടക്കും. രാഷ്ട്രീയ മാറ്റത്തിന് ഒട്ടേറെ ഘടകങ്ങള്‍ കാരണമായിട്ടുണ്ടെന്ന് സി.കെ ശ്രീധരന്‍ പ്രതികരിച്ചു. ‘ഒരു കാരണത്തിന്റെ പേരില്‍ മാത്രമല്ല പോകുന്നത്. അതിന്റെ വിശദാംശങ്ങള്‍ 17ന് കാസര്‍ഗോഡ് പ്രസ് ക്ലബില്‍ നടത്തുന്ന വാര്‍ത്താ സമ്മേളനത്തില്‍ അറിയിക്കും. നേതൃത്വത്തിന്റെ രാഷ്ട്രീയ നിലപാടുകള്‍ കാണുമ്പോള്‍ തന്നെ പലതും വ്യക്തമാകും. എത്രത്തോളം ശരിയാണെന്നത്’, അദ്ദേഹം പറഞ്ഞു.
