ഗവർണറെ ചാൻസലർ സ്ഥാനത്തു നിന്നു മാറ്റാൻ ഓർഡിനൻസിന് പകരം ബിൽ; നിയമസഭാ സമ്മേളനം ഡിസംബർ 5 മുതൽ
November 16 | 01:02 PM
തിരുവനന്തപുരം: ഗവർണറെ ചാൻസലർ സ്ഥാനത്ത് നിന്നും മാറ്റാൻ ബിൽ കൊണ്ടുവരാൻ സർക്കാർ. ഇതിനായി പ്രത്യേക നിയമസഭാ സമ്മേളനം ചേരാൻ ഇന്ന് ചേർന്ന മന്ത്രിസഭായോഗം തീരുമാനിച്ചു. അടുത്തമാസം അഞ്ചു മുതൽ 15 വരെ സഭാ സമ്മേളനം വിളിച്ചുചേര്ക്കാന് മന്ത്രിസഭായോഗം തീരുമാനിച്ചു. സമ്മേളനം വിളിച്ചുചേര്ക്കാന് ഗവര്ണറോട് ശുപാര്ശ ചെയ്യാനും മന്ത്രിസഭ തീരുമാനിച്ചിട്ടുണ്ട്.
ചാൻസലർ സ്ഥാനത്ത് നിന്ന് ഗവർണറെ നീക്കാൻ നേരത്തെ സർക്കാർ ഓർഡിനൻസ് പുറപ്പെടുവിച്ചിരുന്നു. ഇത് ഗവർണറുടെ പരിഗണനയിലിരിക്കെയാണ് ബിൽ കൊണ്ടുവരുന്നതിനുള്ള നീക്കം. സഭാ സമ്മേളനം എന്ന് അവസാനിക്കും എന്നതില് മന്ത്രിസഭ തീരുമാനമെടുത്തിട്ടില്ല. സഭാ സമ്മേളനം എന്ന് അവസാനിപ്പിക്കണമെന്നത് സംബന്ധിച്ച് കാര്യോപദേശക സമിതി യോഗം ചേര്ന്ന് തീരുമാനമെടുക്കുമെന്നാണ് അറിയിച്ചിട്ടുള്ളത്. നിയമസഭ ബില് പാസ്സാക്കിയാലും അത് നിയമമാകാന് ഗവര്ണര് ഒപ്പിടേണ്ടതുണ്ട്. ബില്ലില് ഒപ്പിടുന്നത് വൈകിയാല് നിയമനടപടികളുമായി മുന്നോട്ടു പോകാനാകും സര്ക്കാര് നീക്കമെന്നാണ് സൂചന.