ഫറോക്ക് പാലത്തില്‍ സെല്‍ഫി എടുക്കുന്നതിനിടെ വിദ്യാർഥിനി ട്രെയിന്‍തട്ടി മരിച്ചു
May 14 | 05:58 PM
കോഴിക്കോട് ഫറോക്ക് റെയിൽവേ പാലത്തിൽ സെല്‍ഫിയെടുക്കുന്നതിനിടെ പത്താം ക്ലാസ്സ്‌ വിദ്യാര്‍ഥിനി ട്രെയിന്‍തട്ടി മരിച്ചു. കരുവന്‍തിരുത്തി സ്വദേശിനി നഫാത്ത് ഫത്താഹ് ആണ് മരിച്ചത്. കോയമ്പത്തൂർ- മംഗളൂരു പാസഞ്ചർ ട്രെയിനാണ് തട്ടിയത്. ഇന്ന് ഉച്ചയോടെയാണ് സംഭവം.
സെൽഫി എടുക്കുന്നതിനിടെ വിദ്യാർഥിനി ട്രെയിന്‍തട്ടി പുഴയില്‍ വീഴുകയായിരുന്നു. ഒപ്പമുണ്ടായ സുഹൃത്ത് പെരിങ്ങാവ് പട്ടായത്തിൽ മുഹമ്മദ് ഇഷാമിനെ പരിക്കുകളോടെ ആശുപത്രിയിൽ പ്രവേശിപ്പിച്ചു.
