October 31 | 05:46 PM

കൊച്ചി: മുൻ മുഖ്യമന്ത്രി ഉമ്മൻ ചാണ്ടിക്ക് ആശംസ അറിയിക്കാൻ മുഖ്യമന്ത്രി പിണറായി വിജയൻ കൊച്ചിയിലെത്തി. ഉമ്മൻ ചാണ്ടിയെ ഷാളണിയിച്ച് ആശംസ അറിയിച്ചു. ചികിത്സാർത്ഥം ആലുവയിൽ തങ്ങുന്ന ഉമ്മൻചാണ്ടിയെ സന്ദർശിച്ച പിണറായി കുറച്ച് നേരം സൗഹൃദ സംഭാഷണത്തിൽ ഏർപ്പെട്ട ശേഷമാണ് മടങ്ങിയത്. തിരുവനന്തപുരത്ത് നിന്ന് വിമാനത്തിലെത്തിയാണ് പിണറായി വിജയൻ ഉമ്മൻചാണ്ടിയെ കണ്ടത്. മറ്റ് പ്രത്യേക ചടങ്ങുകളൊന്നും മുഖ്യമന്ത്രിക്ക് ഉണ്ടായിരുന്നില്ല. രാവിലെ ഉമ്മൻചാണ്ടിയെ ഫോണിൽ വിളിച്ച് മുഖ്യമന്ത്രി പിറന്നാളാശംസ നേർന്നിരുന്നു. 79- പിറന്നാൾ ദിനത്തിൽ ഉമ്മൻചാണ്ടിക്ക് സാസ്കാരിക രാഷ്ട്രീയ കേരളത്തിലെ പ്രമുഖരെല്ലാം ആശംസ നേർന്ന് രംഗത്തെത്തിയിരുന്നു. നടൻ മമ്മൂട്ടി അടക്കമുള്ളവർ ഉമ്മൻ ചാണ്ടിക്ക് ആശംസയുമായി നേരിട്ടെത്തിയിരുന്നു. സ്പീക്കർ എ എൻ ഷംസീർ, വ്യവസായി എം എ യൂസഫലി എന്നിവരും നേരിട്ടെത്തി ആശംസ അറിയിച്ചിരുന്നു.