June 23 | 11:10 AM

കൊച്ചി: അഭയ കേസിലെ പ്രതികൾക്ക് ജാമ്യം. കർശന ഉപാധികളോടെയാണ് ഹൈക്കോടതി പ്രതികൾക്ക് ജാമ്യം അനുവദിച്ചത്. പ്രതികളായ ഫാദർ തോമസ് കോട്ടൂർ സിസ്റ്റർ സെഫി എന്നിവർക്കാണ് ജാമ്യം അനുവദിച്ചത്. പ്രതികൾ അഞ്ച് ലക്ഷം രൂപ കെട്ടിവെക്കണം. ശിക്ഷാവിധി സസ്പെൻഡ് ചെയ്ത് ജാമ്യം  നൽകണമെന്നായിരുന്നു പ്രതികളുടെ ആവശ്യം.  സിബിഐ കോടതി ശിക്ഷ നടപ്പാക്കുന്നത് ഹൈക്കോടതി മരവിപ്പിച്ചു. ജീവപര്യന്തം തടവ് ശിക്ഷയാണ് മരവിപ്പിച്ചത്.

28 വര്‍ഷം നീണ്ട നിയമനടപടികള്‍ക്ക് ശേഷമാണ് അഭയ കേസില്‍ ഒന്നാം പ്രതി ഫാദര്‍ തോമസ് കോട്ടൂരും, മൂന്നാം പ്രതി സിസ്റ്റര്‍ സെഫിയും കൊലക്കുറ്റമടക്കമുള്ള വകുപ്പുകള്‍ പ്രകാരം കുറ്റക്കാരാണെന്ന് കണ്ടെത്തി കോടതി ശിക്ഷ വിധിച്ചത്. കേസിന്റെ വിചാരണയടക്കമുള്ള നടപടികള്‍ നീതിപൂര്‍വ്വമായിരുന്നില്ലെന്നാണ് ഹര്‍ജിയില്‍ പ്രതികള്‍ ആരോപിച്ചത്.