Latest News

കണ്ണൂര്‍ സെന്‍ട്രല്‍ ജയിലില്‍ വീണ്ടും റെയ്ഡ്; ഫോണുകളും ചാർജറും കണ്ടെത്തി

കണ്ണൂര്‍: കണ്ണൂര്‍ സെന്‍ട്രല്‍ ജയിലില്‍ വീണ്ടും റെയ്ഡ്. രണ്ടു മൊബൈല്‍ ഫോണുകളും ഇവ ചാര്‍ജ് ചെയ്യാന്‍ ഉപയോഗിക്കുന്ന സോളാര്‍ ചാര്‍ജറുകളും റെയ്ഡില്‍ കണ്ടെത്തി. കഴിഞ്ഞ ദിവസങ്ങളില്‍ റെയ്ഡ് നടത്തിയപ്പോഴും തടവുകാര്‍ ഒളിപ്പിച്ചിരുന്ന സ്മാര്‍ട്ട് ഫോണുകള്‍ ഉൾപ്പെടെയുള്ളവ പോലീസ് പിടിച്ചെടുത്തിരുന്നു. അതിന്‍റെ തുടര്‍ച്ചയായിരുന്നു ഇന്ന് നടന്ന റെയ്ഡ്.
സംസ്ഥാനത്തെ ജയിലുകളില്‍ മൊബൈല്‍ ഫോണ്‍ ഉപയോഗവും ലഹരി വസ്തുക്കളും വ്യാപകമാണെന്ന് നേരത്തെ തന്നെ റിപ്പോര്‍ട്ടുകളുണ്ടായിരുന്നു. ജയില്‍ ഡിജിപിയായി ഋഷിരാജ് സിംഗ് സ്ഥാനമേറ്റതിന് പിന്നാലെയാണ് വിവിധ ജയിലുകളില്‍ റെയ്ഡ് തുടങ്ങിയത്.